Kaajjado mancho ikki yaa ubbooti yaa ikkikkinni ubbe ka’’a rosi yaate;
• Sammi yii yaa coyidhooti yaa di ikkino; macciishshate macca uyi yaate;
• Kokkaamo ikkitooti yaa ittooti yaa ikkikkinni manni woxe sa’ooti yaate;
• Hanqitooti yaa macciishshamme heedhoonkehe yaa di ikkino; hanqikkinni mulenni higi yaate;
• Maaro assi yaa digawajjamootto yaa di ikkino; godowaho koma amada atenni qolte gawajjitannohe yaate ikkinnina;
• Diinakki baxi yaa diinu danchaho yaa di ikkino; gibbontenni baxillu roorannonna qeelanno daafiraati ikkinnina;
• Hagiirraamo ikki yaa baalunkurichi hee’rohe yaa di ikkino; techo nooherichinni hagiirraamo ikki yaate ikkinnina;
• Loosokki baxi yaa loosatto loosi danchaho yaa di ikkino; ga’a danchu loosi hee’rannohe gede techo loosatto looso baxi yaate ikkinnina;
• Duduwaancho ikkitooti yaa hasaabbooti yaa ikkikkinni mittore afoottokki coyi daafira hasaabbooti yaate ikkinnina;
• Reyatto yaa loossooti yaa di ikkino; mittore loosittokki reyitooti yaate ikkinnina;
• Callicho ikkitooti yaa muddante maate kalaqi’ri yaa di ikkino; wodanakkinna yannakki hattono noohere sayisse aate qixxaawoottoha ikki yaate ikkinnina;
• Halaalaancho ikki yaa mannu noowa halaale coyiri yaa ikkikkinni koma amadde keeshshitooti yaate;
• Naaxxitooti yaa biiffooti yaa di ikkino; woloota mishshooti yaate ikkinnina;
• Xumaho yaa wolootunni rooratto yaa ikkikkinni biifinohe yaate ikkinnina;
• Egennaamo ikki yaa marro rosu mine ei yaa ikkikkinni; hayyicha ikki yaate.
Bakkalcho Wocawaaro 3, 2016 M.D
