mu’ro mereero maqqaallamanno. Umi mu’ro geedhitino mannimmasi ledo reyosi barra agadha; woyi 5 agannara keeshshitanno shettonna qarru bati’rino kakkalo baate gatinoha 30 diro sufirate.
Konni garinni Allamurchu noosi lamunku doorshinni gatinoha 30 diro sufi’ra ikkiro doorshisi aantete noo hajubba gumulatenni lowo geeshsha mitiinsitanno yanna saysate gadachamanno yaate. Kunino
•Ilaalu guunxo fule callisi heeshsho hanafanno;
•Callisi heeshsho hanafihu gedensaanni umi loososi ikkannohu afiisi konka kinnate ledo kibbisiise hiiqqe hunate; togo assihu gedensaanni wolu haa’ru konki fulannosi;
•Haaru konki lophasi geeshsha sagale itikkinni keeshshate gadachamanno;
•Haaru konki fulisihu gedensaanni haaru konkisinni lekkasita lophitino culunqa buqqise hoo’lanno;
•Haaro lekkate culunqa lophitusihu gedensaanni qole tenne haaro culunqa horonsi’re mannimmasi aana batidhe buuwannokki gede assitinosi baalluwa buqqise hoo’lanno; riqiwote haaro baalluwa fultannosi.
Tenne Onte aganna konni garinni sayisihu gedensaanni wirro umisi umosi ile wedellicha ikke Allamurrate qacha karsamanno. Dirisi aana 30 dirra lexxe alillitte guunxo fule gotti yee buuwanni lexxino 30 dirra wo’ma qeelletenna ayirrinyunni buuwanni heeshshosi hagiirrunni sayisanno.
Bakkalcho Wocawaaro 3, 2016 M.D
