Manchi beettira loosi’rate,loosi’re mixxate,ilate ile lossi’rate,ceirate cei’re qaamate keeru hasiisanno. Dadda’late,dadda’le cibbi’rateno hattonni. Loosii’rate fulle millinsanni. Millinsanni woyte keeru hasiisanno. Keere fulle keere higa manchi beetti Okisijiine nookkiha lipheessahono hee’ra dandaannokkintenni gede keeru nookkihano e’ne fula huluullissanno daafira keere seekkine hasi’ra hasiissanno.
Keeru hasi’noonni daafira calla didaanno. Keeru gatona yaa,maaro,heeshshi yaa,duucha dandaa xa’manno. Manchi beetti maali kayinni duucha dandaannokki daafira rabbisara,dawaro qolaranna reewaralla ka’anno. “Cinca/dandaa/ addintanni jawareeti. Cincine dandiiniro,dandiine heeshshi yiniro busha yanna sa’nanni. Gaance dikalaqantanno. Shiimare cinca hoogge me’’u kotoottote usuri mine afantanno? Meu mine oosichinsanna minaamansanni baxxitino? Huwanto.
Itophiyu daga gobbansa wodanninni baxxanno; gobbansa ayirrinyinna bayirroonyi aana daynonsaha wodaninni olantanno; tii“insa daafira miicinonsaha wodaninni gibbanno; sharranteno seejjidhanno. Wole widoonni baxillunni shiqinonsaha wodaninni ikkino baxillunni adhitanno; qarrinsa yannara iillinonsaha wodaninni ayirrissanno; irkisinonsaha wodaninni irkissanno; miice gatote angasi fa`ninohu hee`ranno woyteno goowi ale ikkikkinni wodaninni gatona yaa egentino.
Tenne rodiimma giddo kalaqantanno gatonna baxillunni leellate korkaatino sannate mereero kalaqantanno kiphubba gatotenni sa`neenna Itophiyu daga mittimma uurrite diina gantanna la`noonni. Abbooshshenna kipho hursite qarru xaadinsa yannara mittu woleho halenna wolqa ikkitinota buuxissino.
Gobbansa bayirreenyi daafira, uminsa ayirrinyinna hobbaateho yite diddoyidinninna gobba giddonni ka`anno hunote gaamubba seejjirate gutunni sharrante; gutunni gobba kaajjishshe ilamate reekkonni konnira iillitino.
Kalqenke lame babbaxxitino hedonni uurritinota ikkasenni; manchu ooso heeshshote harinsho giddono lamu babbaxxino laooshshi hee`rasi gatannokkiho. Ikkolla ikkinnina tunsichu xawaabbunni qeelamannonte gede baala; gibbo baxillunninna gatona yaatenni qeelamansa digattannote. Itophiyunna Itophiyu daga sa`u sase dirrara xaadinonsahuno konneenti.
Sumuu yaa hoonge gaancete widira, gaanceno olu widira lophiteenna haammata qansooti bisonsa, jironsanna jajjansa hooggino. Gobbano konni olinni mittono muxxe ikkitino qansootase, layinkihunnino miinjase hooggino. Xaphooma roduuwu mereero assinoonni oli luphi yiino dagoomitte, tii“unna miinjitte saeno dipiloomaasitte polotiku bassa tuge sa“ino.
Tini bunshete harinsho disuffino; Itophiyu daga gobbansa bayirreenyiranna uminsa hobbaatira yite wodaninni sharrante tii“ansa sufisiissunte gede baala; gobba kaajjitannohu, hobbaatuno sufotenni buuxamannohu olunni ikkikkinni baxillu giddo afamanno keerinni ikkinota ammantannona; keeru daafira faarsidhe keerensa kaajjishate ofolte maltu.
Amaalensa garinnino olunnita qodhonsa tidhite keeru lemboolcho kayissu. Ikkinohurano Itophiyu daga olu gedensaanni gatona yaate wodaninni xaadde baxillunni mimmito hanqaffu. Tini gatonna keeru doogo diinna caacceessiturono; baxillaano hagiirsiissino; Itophiyu daga wirro higge mittimmatenni xabbe leeltanno gede assino.
Itophiyuno keerisera sharrantinosere xawoho galattu; wolootaho lawishshimmansa leellishshu. Konninnino aleenni oosose tenne keeru hanafo, gatote doogo, baxillu bare luphi yiino gafi widira tareessitanno gede maganyete qaale sayissu. Xaphoomu ministirchise widoonnino tii“i`ya daafira yitine wodani`nenni sharrantine luphi assitiniente gede; aantete heedhanno`ne mittimma biiffinotanna seekkinota ikkitanno gede gato`neno wodaninni ikkito yitu.
Keereho dinye di hasiissanno. Keereho Korkaatunna Yanna Dihasiissanno. Keeru ganyine hasi’nanniho mootimma adhitino keeru qaafo kalqete lawishsha ikkitinotena suffo. Xaano keeru sufanno gede mootimma calla ikkikkinni duuchunku keereho sharrama hasiissanno. Keereho sharramanna olama baraarsitanno.
Bakkalcho Dotteessa 19, 2015 M.D Hamuse
