Gobba yaa mannaho yitanno yaatto xabbuekkinni heedhannonkanni. “Gobbate yaa mannaho;mannaho yaa gobbate” yitanno yaatto adda ikkitinota huwatoommohu muli kawa Itophiyu daga gobbasera ikkittannorenna baattanni afantanno kakkalo xunse daa’’atummo gedensaanniiti.
Ee;gobbate yaa manna ikkinota, mannaho yaa gobba ikkitinota xunsinanninna naqqansanni yanna xaati. Itophiyu daga aliyyeenni kaino olinni jifote giddo keeshshitino. Kayinnilla tenne duucha jifo giddo leeltino mittimmanna gobba gatisate assitino timbilinqe addintanni dhaggeeffachishshannote.
Itophiyu daga hiikkono heedhe gobba yaa godowa duuwa calla ikkitinokkita naqqassu;galchimi gobbuwa Itophiya kadate guluffanno farashsho HWHT kaa’litanno woyite affino halaalira qoteho uurrite “No! No More” yaatenni Ameerikaho Waajju gashshooti minira albaanni giwate gaado fulte leellishshinoti hambannikki ayimmatenna mayimmate xawishshaati. Maalinsa gobba buddeenayo yee xeerti’rirono gobbansa Itophiyu wodaninsa giddo sumudamino Gobbate gobbaanni baara wido heedhanno qansootira galatu hasiisanno.
Gobbate yaa godowa duuwa ikkitoommero sai sambata assini galchimi gobbuwa Itophiyu aana iillishshanno xiiwonna TPLF iillishanni afamanno gawajjo giwate duuwinohu fuleenna buxichu “mayi eessi’’e” yee minesi goxannonkanni. Kayinnilla ikkino halaali di hattooti. Buxichu tatta’’ino minisira goxe galannohu gobba heedhurooti. Buxichu afi’rire xinqi’re itannohu gobba keere ikkiturooti. Buxichu oosichosi lossi’rannohu gobbate keeri hee’rironna gobba heedhuro ikkinota buuxxe affino Itophiyu daga timbiliqqe fulte gobbansa kisanno diinira anga uyitannokkitanna galchimi gobbuwa iillishshanni afantanno xiiwonni eemarantanno gede qorophisiissu.
Dureessuno ijaara mi’nannohu,kaameela keerunni gashshi’rannohu, gobbatenni gobba gaangaawe dadda’lannohunna loosi’rannohu keeru hee’rironna balaxxe gobba heedhuro ikkinota buuxisino diina tiyyi’re giwate gaadi qaccetenni qaccete geeshsha baatto milli assinonna diina masisino garinni harinsihu gobba godowa ikkitinokkita buuxise saino.
Buxichono ikko dureessa wodanisi giddo “Itophiyimma” sumidinota naqqanseemmo woyite naaxxillunniiti. Togoo mittimma heedhannokki gede TPLF 27 dirira ganini gano,suuqino utichi, babbadamooshshunna mimmito huluullamate siiwo tatta’ino diro ikkasino Itophiyu daga buuxissino. Xa gatannonkehu buximate buusa tattaayisate gaadooti. Ee;Itophiyu lophotenna jireenyu doogo aana noota buuxate qaallichunniwa mara dihasiissanno. Qiniiticho anganni diina gargarranni guracho anganni latishsha cu’mine loonsoonni loosinni qamade gobbara soyaate assinanni hee’noonni millimillo naqaashete.
Gobbayidirino Itophiya Itophiyu daganni roore anfoommose yitanno. Konniraati meessi gobbaanni afoommo,Tigirayete dagare anilla afoommo; eessaanke yitannori buda ikkansa kayisoommohu. Ee budate! Korkaatuno Itophiyu Bayiriidi haaroo’mate kofatto umise miinjjinninna umise daganni kofidhu woyte dagganno soorro Itophiya kalqete gobbuwa ille ubbanno gede assino. Tuqu xaadooshshino kayisikkinni dihosanno. Bashsho Itophiyu kaarti hiittoohoro affinokki daga xa Illensa Itophiyu aana tuggu; maccansa kaphaanotenna guluffanno faradda TPLF cancishaano gaamora tuggu. Eewanni gulufi farashshi reyiro galchimi gobbuwa Itophiyu jireenya ciiggishshanno doogo cufantanno. Konniraati jajjabba uurrinshuwa kalqoomu Mannihimmate qoosso yinannirinna halantino mootimma uurrinsha Itophiyu aana malate 12 ale songo ofolte afuu arrawu xaada giwe sarraaqameenna baxxitinohu.
Itophiya kisaahura tole diegennino. Xaaleenu irraawe higino. Juntuno diigamino. Halantino mootimmuwa afiinna arrawi sarraaqamino. Bushate malinna ijaari baabilooni gede ikkino. Xa Itophiyu daga hasidhannohu maatiro buunxe anfoonni. Keereho,ga’labbotenna latate. Konne diigaranna Itophiyu umbe la’’ara hasi’ranno diinira dawaronsa mittimmatenni baabiloone diigantuhu gede ganonsa diigate. Itophiyu daga bareendetennino naqqansoonnite. Konnira ADIWU qeelle sumudankeeti.
Itophiyu qansooti gobba yaa godowa duuwa ikkitinokkita duuwinohuno h u d i ’ r i n o h u n o , b u x i c h u n o dureessuno,jawuno shiimuno gaadunni leellishshino. Xa 27 diri giddo TPLF ijaarino babbadamooshshu huxxi diigaminoha lawanno. Togo ikkiniro diina diinge,latishsha ijaarsineemmo! Itophiya Kaaliiqi Maassi’ro!
Yaareed Geetaachew
Birra 17, 2015 M.D Hamuse
