Addis Ababa: Seenaaterichu Jemsi Inihofi Itophiyu loosidhanno loossa baalate kaa’lo assate mudhinoha ikkasi buuxisiisi.
Seenaateri Jemsi Inihofi tenne lamalara IFDR Dagate Riqiwamaano Amaale Mini Songaafichi Kalaa Taaggese Caafohu ledo hasaawi yannara; dayoe bushshu yine ayirrinyunni haa’noonnisihura hagiirraamo ikkinota xawise; Songaafichu Kalaa Taaggese Caafohunni uyinoonnissi xawishshinni Itophiyaho assinanni hee’noonni wo’mu handaari millimillo huwatate dandiissiisinosita egensiisino.
Hasaawunnino Songaafichu Taaggese Caafohu haaroo’mate kofatto, seera ayirrisiisate, mannoomitte kaa’lo iillo; Sudaanete danna agarsiisate loosi noo deerranna assinanni hee’noonni assootta aana xawishsha uyno.
Itophiyu layinki doycho Abbayi haaroo’mate kofatto wonshate loosira qixxaawote aana noota xawise; wo’manta Abbayi way tayse sa”anno gobbubba horo kisannokki garinni gumulamannotano xawisino.
Seera ayirrisiisate ledo amadisiisante kalaqantino qarrubba deerru deerrunkunni tirate loonsanni hee’noonnitano xawisinohu Songaafichu; mannoomittete kaa’lo hasiisannonsa bissarano kaa’lo assate aana noota egensiisino.
Itophiyu Sudanete danni ledo amadisiisante yanna baala ka’anno kipho keeraancho doogonni tirate qixxaabbinota ikkitinota qummi assino.
Hasaawinsa gobboomu hajubbanni gobbaanni qoxeessu hajubba aana illachishinoha ikkinota xawinsoonni.
Addisu Adoola
Bakkalcho Onkoleessa 26/2013
