Abbebech Maatewoos
Qaaqquullunniti sagalete hasatto hoonge haammata maatera jawa mitiimmanna qarra ikkitanni daggino. Mito mito woyteno kuni qarri maatete giddo yaaddo kalaqanna la`nanni. Qaaqquullu ayiddino mito mito barra hawaawuranni, hanqanninna waajjishiishanni itisate wo`naalanna la“a haaro coye dikkino. Konne qarra tiratenna sagalete hasatto ledate kaa`litanno doogga qummi assinammo`nera banxoommo.
Qaaqqo`ne aye woyteno hurbaachisha’ne buuxxe Danchanna keeraabbino shooma itisa qaaqqi`neta saga`lata hasatto leddanno. Qaaqquullu sagale itansara 30 xiqqeessi albaanni waa uyiyyensa; qaaqquullu soodo goxxinowiinni ka`anno woyte ado agansara albaanni waa agganno gede amaallanni.
Ledoteno sagale ita hanafansara boco saate albaanni waa uyninsaro sagalete hasattonsa lexxitanno gede assanno. Ado batisidhe saga`litoonke Shota sagalete hasatto noonsati baasa qaaqquulli lowo geeshsha baca ado agate rosichi noonsa. Kunino sagalete hasattonsa roore ajishara dandaanno. Ikkinohurano adote bikka ajishatenni woloota du`namaano sagalenni riqibbensa.
Baxxanno sagale uyiyyensa Sagalete hasatto qarri noonsa qaaqquulli mito mito woyte giwissinonsata sagalete dana la“a nafa gibbanno yannano baasate. Kuni akati qaaqquulli`ne aana leelliro hasattonsa kakkayisate umihunni baxxanno sagalete dana umo shiqishate wo`naalle.
Shiima shiima uyiyyensa/ itissensa Umi yannara shiima sagale uyiyyensa. Tini shiima sagalete amado aantesenni sagalete hasattonsa woyyeessitanno.
Qaaqquulleho boode sagale calla uyiyye; kunino suutu suutunni sagalete hasattonsa ledanno. Uminsanni ita dandiitanno geeshshanna ita dandiitanno bikkinni saga`litanno geeshsha shiima shiima aa noo`ne.
Qiwaate batidhinonsa sagalla uytinoontensa Korkaatuno batidhino qiwaatete amado noonsa sagalla qaaqquulli`neti sagalete hasatto roore ajjanno gede assitanno.
Qaaqquulli`ne godo`litannonna millissanno gede asse Ispoorte loosa baca wolqa adhitannota anfoonni. Kunino sagalete hasatto leddanno gede assanno. Qaaqquulli`ne hoffi yitino sagalete hasatto heedhunsaro godo`lete yanna leddensa.
Lowo geeshsha iibbannoha ikkiro diilallo e`anno gede asse
Mini giddo iibbillu hee`riro caacaabbannohura sagalete hasattonsa ajjanno. Qaaqquulli`ne saga`litanno woyte fanantino maskoote woy waalchi mule ofollatenni diilallo e`anno gede asse; noo badooshshe wodanchitinannina.
Gammuuttinota loomete huuncamme hayikkinsessa Loomete huuncamme saga`lannitanna sagalete hasatto woyyeessitanno. Konni daafira qaaqquulli`nera loomete huuncamme aatenni sagalete hasattonsa woyyeessate wo`naalle.
Sagalete saatera yaaddinoonte Saga`litanno yannara caaccaabbannokki gede assatenni shaqqillunni shiqqensa.
Qaaqqiyya sagale ita giwinoe yaatenni leellishshinanninsa yaaddo qaaqquullu macciishshammera dancha dikkitino; roorenkanni hasattonsa ajishshara dandiitanno.
Ziinkete shiilo ledde Ziinke sagalete hasatto dhaawate kaa`litanno. Qamadetenna lawuzete gumma bisu giddo ziinkete deerra woyyeessate kaa`litannoreeti. Qaaqquulli`ne sagale giddo kuru coyibba karsitine wo`naalle.
Akaakiltenna gumma aye woyteno saga`litto Akaakiltenna gummate sagalla sagalete hasatto dhaawate kaa`litanno. Sagale karsiisatenni meetabooliizime lexxitanno gede loossanno.
Leellishshannoti xissote malaatta heedhuro fayyimmate mereersha haratenni leellishanna hursinanni doogo harunsa hasiissanno.
Bakkalcho Maaja 14, 2014
