Addis Ababa: Kajjado gobbate hijaarsira keeru bati’rara baxillaano gobbuwa ledo diigaasine metteenni sharrama hasiissannota Aantaanchu Xaphoomu Ministeerchinna Gobbaydi Hajo Ministeerchi Kalaa Demmeqe Mekkonninihu xawisi.
Shiilotenna Nadaajete Ministeere baadillite Culka fushshitannoriranna shiqishshannorira qixxeessitino afanshu pirogiraame aana afimino Kalaa Demmeqe Mekkonninihu egensiisino garinni, Itophiyu xa noo sharro giddo diigaasinu wolqa afidhannokki gede mittimma loosa hasiissanno.
Mite mite gobbubba halaale aguratenni Itophiyu anga qiqqishate hasiishshu nookki xiiwo iillishshanni noota kaysiohu Kalaa Demmeqe, konnira malu baxillaano gobbubba ledo mittimma uurratenni Itophiyu daga ayrano guluphineemmokkire ikkanke leellishate yiino.
“dhaggetennino ronseemmori mittimmate halammeeti” yiinohu Kalaa Demmeqe, kaajjado gobbate hijaarsira tini ilamano dodantanni noota egensiisino. Bero faajjete hananfoonni haanju haruminna Itophiyu barri mittimmate uduunne ikkansano qummi assino.
“Mittimma uurratenni ajishshankera hasidhannore saalsiisa noonke. Macciishshitannorira raarreemmo, macciishshitannokkire kayinni sharrammeemmo” yiinohu Kalaa Demmeqe, gobba kaajjadda guffa sa’atenni jifo qeeltannosekki gede loosunni jifamase egensiisino.
Kalaa Demmeqe xawishshi gede, latishshu loossa lipheessahono dideantanno, miinjaho badhete miqicho ikkitinori giwirinnu, inustire, turiiziimenna shiilo illacha uye loonsanni. Baajeettete dirira jawa eo abbinohu Culku su’misira ikkado ikkino deerra lophanno. Culkaho jawa eo afisiisa qeecha fultu fultu bissara afanshu hasiisannonsano yiino.
Baadillitte Culku fushshitannori jifo sa’e sewoote iillansa jifo sa’ne sewoote iilla dandiinannita leellishannonna gobbate Culkaanchimmano leellishannota coy’rinohu Kalaa Demmeqe, mangitte handaaraho noo guffa taashshate illacha tugge loossannotano kaysino.
Shiilotenna Nadaajete Ministeerchi Injiineri Taakkele Uma isi widoonni, baadillitte Culku hasi’ra tekinoloojetenni irkisaminoha ikkanno gede mangitte baajeette gaante illachunni loossanni noota xawisino
“Baadillitte Culka fushshitanno cancoho macca uytukkinni loossinohura konni ayirrinyira iillitino” yiinohu Injiineri Taakkele, jifama sewoote iillishshanno gede qummi assino. Shiilote loosi gobbuwate hantura egenno leellishsha ikkinotano kaysino. “Madoosha amadde loossino anguwa techo ayirrinyeho illitinona Culka fushshitannori gede jifama noonke yiino.
Baadillitte Culka fushshitannonna shiqishshannorira afanshunna baraarshu amuuraati aana maamarranna hallanyu Culku, Birrunna Camote baraaraano ikkitino. Oromote Qoqqowi, Beenshaangulli Gumuuzete Qoqqowi, Tigirete Qoqqowi, Gaambeellu qoqqowi, Wodiidi Daganna Dagoomi Qoqqowi qoqqowu gede baraaraano ikkitanna Affaarete Qoqqowi baxxino baraaraancho ikkino.
Itophiyaho mitte miloone ali manni baadillitte Culka fushshate loosira bobbakkinoreeti.
Addisu Adoola
