Itophiyu lekkate kuwaase federeeshiine loosaasine gargarooshshu olantora aganu baatooshshensanna mundeensa uytino.
Gobbanke Itophiyaho kalaqamino qarra tirate olu xawo afantanno gargarooshshu olantora Itophiyu lekkate kuwaase federeeshiine e’’o gamba assate qixxaawo qixxeessatenni irko assitanni keeshshitinoha ikkanna tenne lamala giddo federeeshiinete loosaasine aganu baatooshshensa mittu dirinni baatatenni gargarooshshu olantora irko assate qaale e’ino.
Loosaasine aantetenni assitanno irko woxunni calla ikkikkinni mundeensano aatenni irkisatenni gargarooshshu olanto qote uurritannota buuxissino.
Bakkalcho Bocaasa 16 / 2014
