Ugandu qixxeessaanchimmanni Birra20 hanafe 30/2014 M.D geeshsha hadhino Soojjaatinna Mereerimu Afiriki gobbubba(Seekaafa) 2o diri wori seennu heewo eembarra gumulantino. Itophiyuno qixxeessaancho gobba xawiseranna irkisaanose albaanni Sasenna Lamete qeelatenni heewote shaampiyoona ikkitino. Agarroonnikki gumi borreessantino godo’lenni Ugaandu foolishshote albaanni Lamenna Zeerotenni massagganni fooliishsho fultinoha ikkanna; Luusi riqiwaano Layinki bocira xawisira godo’lannoha Ugaandu guma galche shaampiyoona ikkanno yitanno hedo dinoonka. Ikkollana Ugaandu lekkate kaasera baxillaanonni baala naadantino millimillo assitinori Luusi riqiwaano, Layinki bocira Sase eo kiirsiisatenni boowe sunqa dandiitino. Redieet Asiressahenyiti 52ki lipheessira, Aariyaat Odongti 80ki lipheessiranna Turist Lemmiti 85ki lipheessira eo Itophiyaaho kiirsiisa dandiino. Kunino Lame Lamala albaanni qara seennu beraawe gaamo(Luusiuu) Afiriku boowe buuxora Ugaandu ledo Abbebe Biqilihu xawira badote ganonni qeelante heewotenni fultino gaabbissanno hedeweelcho kaassino hedeweelcho ikkitino. Itophiyu heewote shaampiyoona ikkatenni boowenna culku meedaaliyi baraaraancho ikkitanna Ugaandunna Taanzaaniiyu birranna camo lukatenni heewo gumulantino.
Tayxe heewo aana boode gobbubba calla beeqqansa kaiminni heewote amado badate gaamooshshu godo’lenni ikkikkinni gobbubba Onte godo’lenni gamba assitino bixxiluubba kaiminni ikkino. Konninnino Itophiyu bero godo’lera albaanni Shoole godo’lubbanni wo’ma Tonna Lame bixxille gamba assi’renna Tonaa Onte eo kiirsiise, hattono mitte kiiranteennasi shaampiyoona badate eembarra hadhino qara heewora iillino. Qixxeessancho Ugaandu, ise widoonni Shoolente godo’lenni Tonaa Lame eo gamba asi’re, Lemoo eo kiirsiisatenni mitte eono eusikkinni Itophiya Lee eonni roore shaampiyoonete baxxinanni qara godo’lera iillitino. Kunino Ugaandu shaampiyoone ikkate bero godo’lenni taalo gumi ikkannoseha ikkanna Itophiyu kayinni qeelate gadachi giddo hee’reeti xawo einohu.
Lamente beeraawe gaamo Afiriku boowe buuxo aana qara beeraawe gaamonsanni doorante godo’litinogodo’laano doo’risiissinoha ikkanna; lamenti beeraawe gaamo lame lame godo’laano uurrinshate diri giddo hanqafa dandiitino. Itophiyu seennu 20 diri wori beeraawe gaamo qara qajeelshiishaanchimmanni Firewu /Gebire”eelihunni massagantanni umi godo’lenni Itophiyu Jibuut, lamalanna zeerotenni qeela dandiitinoha ikkanna; godo’letenni Redieet Asiressahenyiti, sase eo kiirsiisse hatirike loossanna; Turist Lemmiti, lame eo, Itsegennet Girmitinna Beeteliheem Beqqelet, mitte mitte eo kiirsiisa dandiino. Layinkimeeshshi godo’lubbarano Ertiru ledo assino godo’le hala’lado ikkitino ontenna zeerote qeela dandiitino. Jibuut godo’lenni sase eo kiirsiissinoti Redieet Asiressahenyiti, Ertiru aana lame eo kiirsiissino. Turist Lemmiti, Mesay Temesigeenitinna Buzaayyo Taaddeleti, mitte mitte eo kiirsiisa dandiitino godo’laanooti. Itophiuyuu beeraawe gaamo heewotenni sayikki godo’lensa Taanzaaniyu ledo godo’le sayikkimeeshshi qeelle borreessiisanna; Mesay temesigeenitinna Niboonyi Yeniti eo kiirsiisino. Itophiyu beeraawe gaamo boowete heewisamaancho ikka dandiinohu sa’u Qidaame Burundi mittenna Zeerotenni qeelasinniiti.
Tayxe ‘Sekaafu’ seenninni 20 diri woro noo heewo qixxeessaancho Ugaandu, Itophiyu, Taanzaaniyu, Ertiru, Jibuutinna Ruyaandu beeqqaano bobbubba ikkanna; heewo sai Woxawaajju aganira hadhara hende seedinsoonniti qaangannite. Tini heewo jeefote yannara aroppu kiiro garinni 2019te Ugaandu q i x x e e s saanchimmanni hadhe Taanzaaniyu keeniyaa gumulote godo’lera qeelte boowe kaysa qaanganni.
Itophiyu 20 diri wori seennu beeraawe gaamo barete umi yannara beeqqaano ikkanna; Ugaandu layinkimeeshshi yannaraati beeqqaancho ikkinohu. Lamenti beeraawe gaamo aananno aganira Wodiidi Afirikira hadhanno kalqete 20 diri wori boowete buuxora sa”ate assitino xaadaanonsa aana batinye eo kiirsiisatenni qeeltinoha ikkanna; aantanno doycho sa”a dandiitino. Itophiyu 20 diri wori seennu beeraawe gaamo ‘sekaafaho’ eembarri godo’lera albaanni 15 eo kiirsiisatenni Ugaandunni aane haammate eubba kiirsiissino beeraawe gaamo ikkanna; mitte eo calla e’inonsa beeraawe gaamo gargarateno ikko ganate kaajjille leellishannoho.
Bakkalcho Bocaasa 2, 2014
