Abebech Maatewoos
Addis Ababa:– Cancishaanchu HWHT amandoommo lamalara Kombolchu quchumira luuxe eatenni 100 ale ikkitannota quchumu wedella dire shakki asse shee gudinotanna quchumahonna qooxeessaho mootimmatenna hallanyootu uduunne mulqi’rinota mootimmate komunikeeshiine owaante xawissu.
IFDR mootimmate komunikeeshiine owaante Ministirchi Dr. Leggese Tulluhu tenne lamalara uyno xawishshinni; cancishaanonna horraanote wolqa rosantinota kaphu mashalaqqe horonsi`ratenni mootimmate massagaano calla hasi’ranno gede xawisatenninna dagoomu deamanno gede assatenni soodimaroho kiirotenni mitto xibbee ajjinokkire Kombolchu quchumi wedella shagaggiisanno garinni shino.
Kunino cancishaanote gaamo assooti lowo geeshsha shagaggiisannoha ikkasi babbaxxitino yannara assinanni keeshshinoonni assoote leellishannoho yinohu Ministirchu; cancishaanote gaamo Desenna Kombolchu qooxeessuwara haammata mootimmatenna hallanyu uduunne mulqitinotanna huntinota coyi`rino.
Tini gaamo assitanno barshenna gawajjo qeelate federaalete mootimma baalante qoqqowunna quchumu gashshaano ledo assitino sumiimme garinni cancishaanote gaamo higgannokki asse hunate murcidhino garinni loosu giddora e`inota xawise; konnirano Amaaru qoqqowi loosu giddora einota egensiisino.
Qoqqowoho batinye woraddanna zoonnanni wedellu woshshatto adhite tantanantino millimmora qixxaabbinore ikkansanna konnirano dagoomu beeqqo maala`lissanote yino.
Wolootu qoqqowubbano lamunna sasu barri giddo malamatenni gumulo gumulte loosu millimmo giddora e“atenni cancishaano gaamo hunate assinanni halammera uminsa qeecha fultannota coyi`rino.
Cancishaanote gaamo iillishshanno hunonna mannoomittete barshe yanna uytannota ikkitinokkihura baalanti Itophiyu daga iillinshoonninsa barshera hasiissanno dawaro aa noonsa yaanni Mootimmate komunikeeshiine owaante ministirchi Dr. Leggese Tullu coyi’rino.
Ministirchu xawishshi garinni; gargarooshshu olanto juntu iillishino hilora finqilate ragaanni kalaqantino foonqe taashshi’ratenni xaano luphiima sharro assitanni afantanno. Bareedu gargarooshshu olantonna deerru deerrunkunni noo halantinori olantote gaamo ga`labbote bissa ikkado dhukinna tii’’inni olantanni nootanna xaano cancishaanote horra gargadhate kaajjado sharro assanni nootano xawisino.
Cancishaanote gaamo soqqaamaasine mite mite Tigrayete ilama calla ikkitinota adha dihasiissanno yinohu Dr. Leggese; wolootu dagoomittete kiffillano cancishaanote gaamo ho’ronni dogante hunote giddora e`anno gaamo nootano huwatatenni dagoomu illacha tuge la“ara hasiissanno yaanni coyi`rino.
Bakkalcho Birra 25, 2014 M.D
