Mittu buuru laashshaanchi baatto loosi`re galino manchinna daabbo laashshanno daddalaanchi hedeweelcho jilu giddo xaadde hasaabbanno. Godo`lensanni lowo geeshsha mimmito haadhinohura kunni gedensaanni babbaxxino korkaata kalaqqe xaadate sumuu yitanno. Daddalaanchu soodo soodo 3 xibbe giraame daabbo sowasira; baatto loosi`re galino manchi kayinni hashsha hashsha 3 xibbe giraame buuro sowasira sumuu yitu.
Ko garinni lowo yanna keeshshitu gedensaanni daddalaanchu buuru bikki ajanni ha`ray noota la“i. Jeefoteno bikkaanchu aana woranno woyte 150 giraame ikkanno. Kunniyno lowo geeshsha dadilli, araawi. Baatto loosi`re galino mancho woshshiishi. Wolu manni macciishshanno gede asse “Sumuu yinoommohu gobbaanni buuru waaga mayra ajishitto?” yee xa`mi.
Baatto loosi`re galino manchino “Ani horontanni diajishoommo” yee maala`lanni qoli. Daddalaanchuno buuro bikkaanchunni bikke leellishisi. 150 giraameeti. Baatto loosi`re galino manchino dadilli. “Ani mini`ya giddo 3 xibbe giraame bikkaanchi dinoe. Ati soodo daabbo sowattoe woyte angate bikkaanchinni mitte saane aana woreemmo; hakkiinni buuro wolu bikkaanchi aana woreemmo.
Daabbote ledo taalo ikkanno woyte uduunnichoho wore soyeemmohe” yiisi. hakkawoyntenni soodo soynosi daabbo fushshe bikkaanchu aana wori. Daabbo 150 giraameetinka. Daddalaanchuno saalfati.
Afirattohu woleho assitto bikkinniiti. 150 uyte 3 xibbe afirattora didandaatto, hamashsho uyte lemboola, kincho uyte daabbo, hecho uyte malawo afirattora didandaatto, ati challa busule ikkattora didandaatto, kurraaze xoyissite xawaabba afirattora didandaatto, wole shite ati keerunni hee`rattora didandaatto” yiinosi yinanni baatto loosi`re galino manchi.
Kalqete aana bikkaanchu mittoho, bikkamaano kayinni babbaxxitanno. Koye xe“isittoro ko`ono xe`issannohe.
Bue:- Diyaqoon Danieel Kibiret
Bakkalcho Woxawaajje 27/ 2013 M.D
