Barrunni mitto barra woshichunna yeedaalcho qaete waare ofolte no. woshichu qae agarannohura miqqa tunganna mise xillingino. Yeedaalcho affure xinqidhannohura sattitino.
Hasaawinsa mereero woshichu yeedaalcho, “Yeedu, ane gede misa hasi`rittaro dandaatta” yaannose. Yeedaalcho, “Chilo gede misate maa asso?” yitanno. Chilo dawarannoti, “Maano assa dihasiissannohe; gashshaannikkira hajajama callate,” yaannose.
Konne mereero yeedaalcho chilo goowira bassa la`e, “Chilo, coyi`nanna goowa may assinohete?” yite xa`mitanno. Chilo qolannoti, “Anni`ya usurannae siiwo itte assitinoete,” yee dawaranno.
Yeedaalchono, “Lai; usurrannahe wodanikki gede millisse dafattoyya?” yite xa`mitannosi. Chilono, “Iteemmori xea hoogie geeshsha millisa mayra hasiissannoe?” yee dawaranno. Yeedaalchono umo shaffe, “Usuramme gombanku tidhamme satta sadanko danchate,” yitino yinanni.
Bue:Aesop Maatto
Bakkalcho Woxawaajje 27/ 2013 M.D
