• Mannu baalu taalo ikkinohura mittu wole borojjicho yoonke;
• Baalunku manni amma’nosinni galona;
• Buxichu baxino baycho ofollona, sirchunna garete badooshshinni hoolloonkesi;
• Lowo geeshsha badhera gantoommo dagaati. Loonsanniri lowori gatino daafira wedellinke rosa noonsa.
• Ane mine buddeenu dino; buddeenu noohu rosu mine ikkino daafira minoommo rosi mine ooso’ne rosiisse.
• Ane iqqi Itophiyaho; calli’ya iqqa dihasi’reemmo. Qoleno mootoo’minoommori iqqa bebbeeqqinummoro dagate ayi beehannonsa
• Gobbanke lattanno gede shiqqannonke baala lowo ayrrinyinna hagiirrunni adhineemmonsa. Wole widoonni daggannonkerira kaynni; baalunku goonfummokkinni gobbanke allaggichoho saynse diuyneemmo.
• Gibbannore hunantenni , qassinorenna sharre loossinosire adhammetenni, fiiximmatenni woy jaaloomunni shiqishate ikkinnina busha loosiha bunshetenni qolanna rabbisa dihasiissanno.
• Mittu Ferensayete qansichi baycho hidhate fajjo xa’mirisi yannara Atse Minliki qolino dawaro:- ‘’Gobba’ya baatto wo’mante Itophiyu dagata ikkitino daafira baatto Hirano ikko soorra dandiitannoti dagate. Qoleno gobbaydi gobbuwa qansooti baatto hidhitanno gede fajjummoronna insa baatto amadduro, anera mayi gateenna hidheemmo?’’ yino.
Bue:- Daagmaawi Miniliki qaaggo maxaaficho kiiro 1 Woxawaajje 1992 m.d qoola 16-17 geeshsha.
Qiddist Gezaheny
Bakkalcho Woxawaajje 20 , 2013 M.D
