Addis Ababa:- Xaphoomu ministirchi borro mininna woshshamaano uurrinshuwa Sidaamu qoqqowira hawadi dancha fajjo owaante amanyootinni anga ajjinorira ijaarsitino minna tenne lamala giddo angara uyitino.
Xaphoomu ministirchi borro mininna woshshamaano uurrinshuwa Sidaamu qoqqowira wodiidi Sidaami zoone Alatta Cuukkote woradira, Alatta Cuukkote quchumira, Alatta Wondi woradinna Alatta Wondi quchumi aana anga ajjino maatera 22 minna ijaarsitino.
Zoonete Alatta Cuukkote quchumira Mangudo olliira ijaarsitino minna maassidhe teessaanote uyitino.
Maassote amanyooti aana xaphoomu ministirchi borro mininna woshshamaano uurrinshuwa, luphiima loosu sooreeyye afantino.
Hattono jireenyu paarte Sidaamu qoqqowi sinu borro mini sooreessi kalaa Abrihaam Marshaalonna qoqqowunniti luphiima massagaanote bissa afantino.
Xaphoomu ministirchi borro mininna woshshamaano uurrinshuwa minnate ijaarshi looso ella 25/2016 M.D hanafisiissinoti qaangannite.
Bakkalcho Wocawaaro 30, 2017 M.D
