Finfinnee:Gareen Olompikii dubartoota Itoophiyaa Luusiiwwan walmorkii gulaala deebii Sanbata darbe magaalaa guddoo Ugaandaa, Kaampaalaatti adeemsifatetti garee dubartoota Ugaandaa 1-0n mo’achuun tapha ittaanuf darbe.
Walmorkii gulaalaa dubartoonni umrii 23 gadii irratti hirmaataan kanatti Luusiiwwan tapha ittaanuuf kan darban kan torban tokko dura Istaadiyooma Finfinneetti 3-2n, Kaampaalaatti ammoo 1-0n, walumaagalatti 4-2n mo’ataniiti.
Luusiiwwaniif galcha takkittii injifannoo gonfachiiste kan argamsiiste Loozaa Abarraa yoo taatu, Luusiiwwan tapha ittaanu kan adeemsifatan garee kubbaa miilaa dubartoota Kaameerun wajjin ta’uu sagantaa Konfedereeshiniin Kubbaa Miilaa Afrikaa (“CAF’’) irraa beekuun danda’ameera.
Luusiiwwanis walmorkii kanaaf qophii gochaa jiraachuu Federeshiniin Kubbaa Miilaa Itoophiyaa beeksiseera.
Bariisaa Ebla 4/ 2011
7 Comments to “Luusiiwwan milkiidhaan galan”