Shaampiyoonaan liigichaa ittifufeera

Finfinnee: Xiinxala tapha marsaa duraatiif addaan citee kan ture shaampiyoonaan kubbaa miilaa kilaboota liigii piriimeerii Itoophiyaa marsaa lammaffaan torban 16fa Sanbataafi Dilbata darbes magaalota naannolee adda addaatti itti fufee oleera.

Walmorkiiwwan adeemsifamanitti Poolisiin Kibbaa Raayyaa Ittisa Biyyaa, magaalaan Faasiil Buna Sidaamaa qabxii walfakkaatu 2-0n, Baahir Daar Qiddus Giyoorgis, Walaayittaa Dichaa Shiree Inda Sillaasse, Dirree Dawaan Buna Itoophiyaa, Walwaaloo Addigraat Hawaasaa qabxii walfakkaatu, 1-0n mo’ataniiru.

Akksumas leenjisaan Gabramadin Hayileetiin leenjifamaa kan jiruufi barana liigii piriimeerii Itoophiyaatti kan makame kilabni Tigiraayi, Indartaa Maqalee 70 Dadabitiin gombisaa galchaa gochuudhaan 4-1n injifateera. Taphawwan hanga ammaatti adeemsifamanitti kilabni Indartaa Maqalee 70 qabxii 38n dursaa kan jiru yoo ta’u, muuxannoo guddaa kan qabu kilabni Dadabit ammoo qabxii afur qabatee sadarkaa maahessaa 16farratti argama.

Walmorkiin kun har’aa jalqabee hanga Wiixataatti magaalota adda addaatti itti fufee kan oolu yoo ta’u, har’a Qiddus Giyoorgis Adaamaa wajjin, boru ammoo Poolisiin Kibbaa Dirree Dawaa wajjin, akkasumas Raayyaan Ittisaa Buna Sidaamaa wajjin taphatu.

Iftaan ammoo Hawaasaan. Magaalaa Faasil wajjin, Indartaa Maqalee 70ni Walwaaloo Addigraat waliin, Shireen Baahir Daar wajjin, Bunni Itoophiyaa Dadabit Wajjin kan taphatan yoo ta’u, Wiixatas Bunni Sidaamaa Walaayittaa Dichaa wajjin kan taphatan ta’uu beekameera. Bariisaa Bitootessa 13/2011