Addis Ababa:- Qaaqquullunna wedellu gobbate keeri hee’ranno gede noonsa qeechi luphiima ikkasi Keeru ministirchi kalaa Binnaalf Andualem coyi’ri.
Ministirchu tenne yiinohu Ministerete loosu mini massagaanonna loosaasine tenne tenne lamalara Sidaamu qoqqowira hawadi yanna dancha fajjo owaante harissu yannaraati.
Keeru ministere massagaanonna loosaasine Sidaamu qoqqowi Hawaasi quchumira afantanno dhuku noonsakkiranna rosaanote irko assatenni hawadi yanna dancha fajjo owaante uytino.
Ministirchu tenne yannara coyi’ranni; qaaqquullunna wedellu gobbate keeri hee’ranno gede noonsa qeechi luphiima ikkasi kule; rosinsanni gummamma ikkatenni gobba ragidhannore ikkitanno gede tenne irko assinoommo yiino.
Geerruno ayimanke safo ikkansanni techo ilama taraabbanni techora iillitanno gede assitinohura ninkeno insa awuutate yawo noonke yiino.
Hawaasi quchumi kantiiwi Mekuriya Mershaye isi widoonni; keeru hee’ranno gede baalinke gutunni loosa agarranni yee; Keeru ministere quchumaho harissino hawadi yanna dancha fajjo owaante daafira galatasi shiqishino.
Gaazeexu Odeessaanchinni
Bakkalcho Maaja 25, 2016 M.D
