Batinyu manni rosicho ikkinosihura baca yanna looshine buudhannohu moola yannubbara bisu moolate akata leellishanno woyte callaati. Togo yaa qole batinye diru kifile giddo bisinke ikkado looshine buudhikkinni keeshshara dandaanno kaayyo hala`lado ikkitara dandiitanno. Kuni qole yannate gedensaanni bisinke afi’ra noosi shaqqadimma hoogannohura bulliranno, daddadhamannonna gawajjamanno gede assasira dandaanno.
Looshine buudha bisu moolle gargaratenni, goginke foo`lanno gede assatenni, injoo macciishshantannonke gede assatenni, shaqqadimma agaratenni hattono xaphooma bisu keeraanchimma agarate ragaanni noose horo luphi yitinota ikkasenni bisinke danira injiitannonna sumuu yitanno looshine doodhatenni ajanna barrunni mitte hinge woy hakkonni ale buudha dancha ikkitinota fayyimmate ogeeyye amaaltanno.
Looshine hiittoonni buudhino?
- Buudhankera albaanni balaxxannoti bisonke hayishshi’rate. Sufotenni anganke aana boode looshine worrummohu gedensaanni hoowinke aana buuratenni iibbitannonna daaqqanno gede assineemmo. Togo assineemmo woyte wodancha noonke coy shiima looshine baca bayicho dibbannohura woy buurtannohura bikku aleenni ikkitino looshine bisinke aana buurreemmokki gede shiima shiima bandanni horonsira noonketa wodancha hasiissanno.
- Bisonke seekkine cuukkinanni looshine garunni buudhineemmo. Guluchunna cigilete qarqara labbinori bisinke kifilla kalaqamunnino mooltinore ikkitinnohura ledote looshine horonsira hasiissankera dandiitanno.
- Jeefoteno baalanti bisu kifilla ikkado ikkitino looshine afi’rase buuxanna tenne harinsho barru baala hayishshi`nummo gedensaanni rosiisira hasiissannonke.
Bakkalcho Woxawaajje 18, 2015 M.D
