Tini sagale di injiitinoe woy tini sagale di injiitannoe yitanno yaatto mitu mitu manni afiinni macciishsha rosantinote. Ikkollana intoonni sagale sumuu yitinokkita hiittoonni anfara dandiinanni? Intoonni sagale injaa hoogguro qarru sagale daahama hooga ikkara dandaannohura malaatta Afa hasiissanno.
– Aliidi godowu xisso macciishshantanno – dewee’lisha – godowu gaazete woy ayyeretenni fuuga – gagasu xisso
– Looqqi assanna sae sae tushshiisha heedhara dandiitanno – shiima intanni hee’neenna duuwu macciishshamme
– Mito mito woyte gobbara qola
– Umu damuume heedhara dandiitanno
– Jalli yaate ikkito heedhara dandiitanno.
Sagale daahantannokki gede assitanno korkaatta
– Batinse saga’la
– Rakke daahantara dandiitannokki sagale ita
– Yanniweelo ita
– Ranke ranke tuucanna ranke waa lawimore aga
– seekkine corqinikkinni egemma
– Sumuu yitanno sagale garunninna rosantino yannanni bikkunni saga’la hooga
– Mitu mitu manni wolu mannira injiitannokki sagale isi saga’lino daafira qarrissansara dandiitanno.
Ma assa hasiissanno?
– Suutunni shiima sagale ita
– Dimbissanno agattonna bunu shiilo noonsa agatto bunanna shae labbinore aga hooga
– Sijaara wiliishsha agura
– Makmaano batidhinorenna shotunni daahantannokki sagalla agura
– Lamalate giddo mitte hinge gummate laalo saga’la
– Dandaamiro barru barrunkunni sase birciqqqo ereero ado aga
– Asiide gargartannorenna asiide bikkitanno xagga adha
Mitto shorbu maanka wo’ma Maagneezhiyu adonna mitto shaete maanka, boco soodiyeeme bay-kaarbooneete mitte birciqqo gammuutino waayi giddo bulbulle boco boco yannanni bulbulloonni xagicho bocu boco aga; (mitte birciqqonni bulbulloonni xagicho shoole hinge adhate ikkanno yaate). Xagichu tufunni fulinoha ikkiro shiimu xiqqeessi giddo lende aga dandiinanni.
Xagichu goofihu gedensaanni mitte sa”aate keeshshine mitto shorbu maanka maagneezhiyu ado aganna lame sa”aate giddo lende anganni. Konni gedensaanni 24 sa”aatera ganfeenna qiiddino ado woy Pilaastikete ado gobbaanni wolere baalankare adha hoongiro amaallanni.
Bakkalcho Woxawaajje 4, 2015 M.D
