Xaa yannara mulu cari lowo geeshsha batinyu manni aana kalaqamanno qarraati. Care kalaqantannohu mineraallatenninna asiide noose Maxine mulinke giddo heedhanno woyte ikkanna; mulu giddo woy aliidi shumate boombe woy shumate ufuuffa giddo ikkara dandaanno.
Kalaqantanno carubba shumate boombe widoonni fulte ba`ara dandiitanno. Boodu mannira kayinni hakkonni keeshshitara dandiitanno. Hakko noowa keeshshitanno carubba ba“a(fula) hoogguro mitteenni jawa care kalaqansa digattanno.
Hedeweelcho bikkisi lexxara dandaanno. Kunino shumate boombe cufara, shumaa`neemmo saatera luphiima xisso iillishara dandaanno. Hattono looqqi assanno; tushshiishanno. Tini qarrubba care fula hooggu geeshsha suffanno ikkinnina diagurtannonke.
• Mulu care fushshate ikkitanno hayyo
Mulu care bisinkenni babbaxxitino doogonni fultara dandiitanno. Kunino, carete bikkinninna daninni ikkanno. Mulu care giddonke noota buunxummoro ikkitote daafira fayyimmate ogeeyye amaa`la umi loosonke ikka noosi.
Qaru coy kayinni balanxe gargadhate. Kunino, shotunni mini giddo qixxeessineemmo coyibbanni (home remedies) mulu care bikka ajishanna shumate ledo fultanno gede assa dandiinanni.
• Mini giddo qixxeessa noonke coyibba mereerinni lowo geeshsha egennaminohu aantanno coyibba karsiisatenni afi`nanniho. Insano:-
• 1 birciqqo xalala gammuutino “waa”
• 2 wacote maanka “apilete huunco”
• 1 woy 2 wacote maanka “malawo”
• Boco shaete maanka “qarafa” mitteenni karsiinse horonsira.
• Adhinanni gara
• Lame lamallara hashsha goxankera albaanni aga.
• Carete bikki garinni tonnu barri giddo dancha guma afira dandiineemmo.
Bakkalcho Maaja 27, 2015 M.D
