Aye woyte godowu moolle xaaddanno’neha ikkiro saga’la’nera illacha aa hasiissanno. Baca inteemmo sagalla godowu moollera korkaatta ikkitara dandiitanno. Aantanno sagalla aye woyte saga’la godowu moolle kalaqantanno gede assitanno.
1. Adote laalchubba
Ado batisi’re aga woy burbuxxo aye woyte saga’la godowu moolle iillishankera dandaanno. Ikkolla ikkinnina adote laalchubba wo’munni wo’ma uurrisa dinonke. Kayinni adhineemmo bikka ajisha danchate.
2. Zaytetenni cuuante durishantino sagalla
Zaytete giddo cuuante durishantannori baca sagalla coominsa bikki luphiimaho. Tenne sagalla hellee shotunni daaha dandiitannokkihura sagale helleete giddoonni sa’anno woyte suutunniiti. Sagale helleelete giddoonni suutunni sa’annoha ikkanna; hellee sagaletenni roore waa xuuxxanno. Togo ikkanno woyte cilu moolanna kaajjinoha ikkanno.
3. Quuphiicho
Quuphiichu dancha pirootiinete bue ikkirono, fayberete bikkisi woffi yiinoho. Quuphe ita agura dinonke. Kayinni fayiberete bikkinsa luphiima ikkitino sagalla mitteenni ita amaallanni. Quuphe timaatimetenni woy atikilitetenni loosi’ra dancha doorshaati.
4. Maala
Maalu pirootiinetenna faatete bueeti. Fayiberesi bikki kayinni woffi yiinoho. Maalu quuphu gede fayberensa bikki luphiima ikkitino sagalla ledo intanni gede amaallanni.
5. Coommado sagalla
Buskuutenna keeke labbino coommado sagalla sukkaaretenna faatete bikkinsa luphiima, fayberetenna daadaanchu bikkinsa ajate. Godowu moolle qarrissannonsa mannooti baca horonsidhannokki gede amaallanni. Wo’ma keeraanchimmara coommado coyibba sa’ne sa’ne ikkinnina aye woyte saga’la dihasiissanno.
6. Waajjo daabbo
Waajjo daabbo saga’la godowu moolle abbitanno. Waajjo daabbo loonsanniti waajjo bullee fayiberese bikki woffi yinoho. Afi’nummoro hool greeyini daabbo saga’la godowinke shaqqillira woyyinoha ikkanno.
7. Buna
Baca siine buna aga godowu moolle iillishara dandaanno. Bununna shota agattubba giddo noo kaafiine bisu giddo waay ofollannokki gede assara dandaanno. Godowu moolle heedhu’nero mitte siine ale buna agginoonte.
8. Alkoole
Bunu gede alkoolete agattubba bisu waa kuusi’rannokki gede assitara dandiitanno. Godowu moollera agatto batisi’ra hasiissannokkita fayyimmate ogeeyye kultanno.
Bakkalcho Maaja 20 , 2015 M.D
