Afriku gobbuwara Itophiya lede mu’ranno Argiisi horo daafira batinyinke mageeshsha egenninoommo? Batinyu Agriisu giddonni fulanno gororo horonsi’ratenni xummensa agartanno. Argiisu batinye bisu qarrubbanna ledotennino umu dananchi ledo amadisiisantino qarrubbara xagichimmatenni egennamino.
Konninni kainohunni mite mite biinfillu agarooshshira ikkitanno faafriiku gumma Argiisu muro horonsi’ratenninna mitteenni karsiisatenni babbaxxitino looshinna, kondiishinerenna shaampo laashshatenni wudde waaginni hirtanno.
Ikkollana Argiisu /Aloe/ qooxeessinkera shotu garinni afamannohura aanno horo horonsi’ra dandiinanni. Argiisu giddosi umu dananchi lopho irkissanno Inzaayeme amadasinni birqiiqiti Gibitsete daga umo lossiratenna biifisate horonsidhannonka.
Argiisu kalaqamunni /Alkaline/ ikkino akatoomi noosi; konninnino kainohunni umunniha /PH/ bikka taashshatenni umu lophonna sammote bisiha shaqqimma agaranno. Konni daafira Argiisu umoho hattono bisu fayyimmaranna biinfilleho aanno horubba giddonni boode la`no:-
1. Argiisu giddo afantanno qara qara shiilubbanna vaytaamiine umu biinfilliranna fayyimmara luphiima horo aanno. Argiisu biso shaqqishatenninna haaroonsatenni bisu aana noo ishinnanna bakiteeriya hunanno.
2. Argiisu umo xawinoha hattono shaqqado assate kaa`lanno. Argiisu giddo afamanno daadaanchi Keeraatiin yinannihu ledo mitto ikkino kemikaalete amado noosihura umu keeraanchimmanna biinfillu agaraminoha ikkanno gede kaa`lanno.
3. Argiisu giddo afantannoti kalaqamu Inzayeme sammote biso shaqqishatenni moolle gargartanno ledotennino forofforete ledo amadisiisante dagganno qarrubba ajishshanno.
4. Argiisu giddosi anti oksidaanti yaamantino Beetta-Kaarootiin, vaytaamiin C nna vaytaamiin E amadasinni bisunniha kalaqamu biinfille agaratenni bisinke yanniweelo usuramannokki gede assatenni geedhimma ajishanno. Alerjiikete ledo amadaminohunni dagganno bisu qarrubbano gargaranno.
5. Argiisu daadaancho aga giddosi qara qara ikkitino shiilubba amadasinni biso keeraa`minoha ikkanno gede assanno. Ledotennino reyino bisi luqqae ba“anno gedenna haarunni riqiwamanno gede assatenni bisunniha kalaqamu biinfille agaranno. Argiisu giddo afantannori Amiino Asiidubba umo kaajjishatenna xawino biinfilli hee`ranno gede kaa`lanno.
6. Argiisu darshenna duu`ma gargarannoha ikkasinni albi aana fulanno finniissa ajishanno. Ikkolla ikkinnina finniissa mo`munni wo`ma dihunanno.
7. Argiisu bisu shaqqadonna xawinoha ikkanno gede assatenni bisu biinfille guggushshanno.
8. Argiisu xibbuunni 90 anga daadaancho waa ikkasinni bisu moolle gargaranno.
Bakkalcho Maaja 20 , 2015 M.D
