Shonkooru fayyimmate aanno horo:-
• Miqicho kaajjishanno;
Shonkooru agadi 36 dani sirchi noosiha ikkanna wo’munni wo’ma kalaqamu agattooti. Mannihimmate giddo noohu Manganeezi, Ayirenete, Kalsiyeemetenna Potaashiyeemete amado lexxitanno gede assatenni miqichu kaajjillira kaa’lanno.
• Wolqa aanno
Shonkooru agadi shota sukkaarete dana yinannihu Sukroosi noosiha ikkasinni babbaxxitino wolqa uyitanno sagalla qixxeessatenna shiimaadda assine hiiqqaqqine horonsiratenni wolqa afi’neemmo gede kaa’lannonke.
• Kaanserete dhibba gargaranno
Shonkooru agadi luphiima Alkalayinete amado noosihuranna siwiilu, Manganeezete, Magnizhiyeemete, Potaashiyeemetenna Kaalsiyeemete kuuso amadanno daafira gamunnino ikkiro kaansere gargadhate kaa’lanno. Kaanserete hiwaase Alkalayin noo qooxeessubbara hee’ra ayirritannohura Pirosteetetenna unuunu kaansere uurrinshunni Shonkooru agadi huuncamme agatenni gargadha dandiinanni.
• Gogu fayyimmara
Shonkooru huuncamme giddose amaddanno shiilonni mitte gogu aana shimmaadda lubbuwa korkaatinni kalaqantino Alfa Hayidroolik Aciideeti. Konninni, anganni yannara rifata, gogu madi’ra gargaranno; geedhimmate malaattanna shiffi yee fulannore gargaranno.
• Sagalete daahammenna loosate harinsho rahisanno
• Qelpheepho ajishate
• Mannihimmanke giddonni hadhaamoricho fushshe hoolanno
• Culunqate fayyimma agarantinota assanno
• Dhibba gargadhate dhuka ledanno
• Mundeete xiiwonna kolistiroole ajishanno
• Mulu fayyimma agarantinota assanno; baxxinohunni mulu care gargaranno
Qiddist Gezaheny
Bakkalcho Maaja 13, 2015 M.D
