Sukkaariweelo dancha macciishshamme kalaqqara dandiitanno shae aga dandiinannita mitte xiinxallo faajje assitino. Xiinxallo shaetenni afi`nara dandiinannita dancha macciishshamme sukkaariweelo afira dandiinannita buuxissinoha ikkanna seeda yannanni akatoomu soorro abba dandiinannitaati faajje assitinohu.Xiinxallaano shaete giddo horonsi`neemmota sukkaare mitte hige uurrisa woy yannate harinshonni ajinshanni hara baashsheessinannita sukkaarete bikka ajishate gumaamma doogga ikkitinotaati egensiissinohu.
Ikkollana, xiinxallaano konne luphiima akatinni buuxate wolootta luphi yitino xiinxallubba hasiissannota coyidhino.Konni buuxote loosinni 64 ikkanno manni beeqqinoha ikkanna mittu aganira keeshshitino xiinxallonni lame gaamonni baxxite xiinxallotenni beeqqitino.Mitte gaamo sukkaare shaete aaninni harinshotenni ajishshanni hadhinoha ikkanna laynki gaamo qole sukkaare shaete ledo horonsiransa suffinoreeti.
Gumunnino sukkaare horonsidhanno shae aaninni harinshotenni agurtino beeqqaano sukkaariweelo dancha shae coommishira suffino gedeeti kulloonnihu.Assinoonni xiinxallo mannootu aganno shae aana afamannoha sukkaarete bikka ajishansa shaete nyammo soorrannokkitanna harinshotenni seeda yanna gedensaanni akatoomu soorro abba dandiinannitaati buuxissinohu.Xiinxallotenni beeqqitino mannooti mereerinni sukkaare shaete aaninni xibbuunni 42% harinshotenni ajisha dandiitinoha ikkanna xibbuunni 36% qole sukkaare horonsirate rosichonsa gatisa woy agura dandiitinoreeti yinoonni.
Bue:- Sewaasew Heelz
Bakkalcho Ammajje 9, 2015 M.D
