Qiddist Gezaheny
Ki’neno agginanni gede koyinsanni xoossinyete horo aanino garinni niwaawete shiqinshoommo.
Xoossinye fayyimmate uytanno batinye horo mereerinni;
- Luphiima mundeete xiiwo lowo geeshsha ajishshanno:- Babbaxxitino xiinxallo leellishshanno garinni xoossinye coomunni ruukkitinore mundeete nigga halashshatenni mundee ruukkimma nookkiha boombete giddoonni garunni doyitanno gede assatenni luphiima mundeete xiiwo ajishshannota buunxoonni. Konninni, ledote mundeete kolestiroole bikka ajishshannota buunxoonni.
- Buusano uurrissanno:- Xoossinye ganfe waasi aga buusano lede mudditannota Bironkayites yinannita foo’linanni bisu kifile xisso uurrissanno. Konninni ledote buusanote korkaatinni kokkete madi’ra hursitanno.
- Kalaqamunni dhibba gargadhate dhukanke leddanno:- Xoossinye dhibba gargartannore horo uytanno vayitaaminna, vayitaamin A,Cna D labbinore amadasenni wo’manka woyte darchose ganfe shaete gede angiro shotunni gansho lede wolootta foo’linanni bisu kifile dhibba gargadha dandiinanni
- Bulaaso gargartanno:- Shotunni bulaasara dandaannori Buddeena lede wolootturi aana xoossinyete darcho worrummoro bulaasatenni gatanno.
- Xoossinye shiimaadda lubbuwa shitanno:- Mini giddonna mini gobbaanni shiimaadda lubbuwa (Koronna Hinshiiro lawinori) itannori qarrisi’nero xoossinyete darcho gaffine qarrantinoonni qooxeessira dunatenni shiima yanna giddo soorro la’inanni.
- Dancha ynammonni ledote bulaasonna shiimaadda lubbuwa gargartanno daafira hinkote saamuninna bisu shitto giddo gatikkinni yannaasinchu garinni eessinanni.
- Macciishshammenke gotti assate kaa’litanno:- Xoossinye giddose amaddinoti Karvakirool yinanni shiilo surrenke seella kakkayisatenni dancha macciishshamme macciishshantannonke gede assitanno.
• Dancha sagalete bueeti:- Ferensayetenna Xaaliyu gobbuwaranna batinye Meediteraaniyu qooxeessira hattono ninke gobbarano xoossinye babbaxxitino sugo loosi’rate kaa’litanno.
• Finniissa hunate kaa’litanno:- Baakiteeriya shaate shiilo giddose amaddinohura xagisaano hajajjukkinni hirranni yannaasincho finniissa huntanno xagganni woyyitanno. Shama xoossinye udulle finniissu aana shiima yannara worre hayishshi’nanni gede amaallanni.
Bakkalcho Arfaasa 4, 2015 M.D
