Keeru Sumiimme Gedensaanni Shirenna
Meqele 243 Miliyoone Birre Ale Ikkitanno
Xagga Iillisha Dandiinoonni

 Abbebech Maatewoos

Addis Ababa:- Keeru sumiimme geden­saanni Shirenna Meqele hedotenni 243 mili­yoone birre ale ikkitanno xagganna wolootta uduunne iillisha dandiinoonnita Fayyimmate Ministire Dr Liya Taaddese xawissu.

Fayyimmate Ministircho Dr Liya Taad­dese uytino xawishshinni; keeru sumiimme harunse aliyye gobbate qooxeessira olu kork­aatinni owaantete gobbaanni ikkite keeshshi­tinota fayyimmate uurrinshuwa wirro loosu giddora eessate loonsanni hee`noonni.

Konne harunse xaa yannara Allaamaaxunna Shire kooriidere aana loosu giddora e`ino 36 fayyimmate uurrinshuwara loossanno loosaasine loosinsa basera higginotanna kon­nirano hasiissanno bejete gaammoonnita buuxisiissino.

Konninnino, qarrubba kalaqantino qoox­eessubbara afantanno dagoomu bissara fayy­immate owaantubba tuqqanno assatenna qinaawino garinni owaante aate loonsanni hee`noonni yitino.

Wole widoonni, xagichunna xaginaatu horora hosannore Gonderete xagichu shiqishaano owaantenni Shire sina babbaxxino doychonni tuqisatenni Shirenna qooxeessaho iillisha dandiinoonni yitino. Hattono, Allamaaxa­honna qooxeessaho noo fayyimmate uur­  rinshuwara labbino kaa`lo assinoonnita coyi­dhino.

Ledoteno, keeru sumiimme gedensaanni 243 miliyoone birre ale xagganna wolootta hasi­isaannore Shirenna Meqele iillisha dandii­noonnita xawissino.

Amaarunna Affaarete qoqqowubbara diigan­tinore fayyimmate uurrinshuwa loosu gid­dora e`anno gedeno loonsanni hee`noonnita xawissino. Amaaru qoqqowira 40 ale hospit­taallanna 415 fayyimmate mereershuwa loosu giddora e`anno gede xawinsoonniha ikkanna Affaarete qoqqowira 1 hospitaalenna 20 ik­kitanno fayyimmate mereershuwa loosu gid­dora e`inota coyidhino.

Bakkalcho  Arfaasa 4, 2015 M.D