Qiddist Gezaheny
Badhete miqichi 26 miqqa gambooshsheeti. Badhete miqichi mereero afantanno midadda labbanno kifilla badhete miqichi diske yaamantanno. Tini diskuwa badhete miqicho noowa irkisse amaddanno. Mannimma ayirrannore loossanno woyte ayirritanno wolqa dukkanno kifillaati. Diske kaajjadurinni diwantinoha ikkanna; goddose kayinni shaqqado du’namaancho afidhino.
Diske shirri yitino yinannihu diskete girgiddi aana kalaqantanno xulluwa korkaatinni giddoyidi du’namaanchi fulanno woyteeti. Kunni du’mu du’namaanchi Nerve daaffanno shiilo giddosi amadinoho. Nervuwa du’namaanchunni daafama luphiima xisso kalaqqara dandiitanno. Mite mite yannara anga jalli yaanna daafuru macciishshamme kalaqantanno. mitu mitu manni aana kayinni gurchunni hiittoo macciishshammeno diheedhanno. Shirri yitino diske kisantino nerve hoogguro xisso dimacciishshantanno.
Diske shirri yitanno woyte heedhanno xissote malaatta
- Angatenna lekkate aana xisso:- Diske shirri yitinnohu woriidi badhete miqqa qoxeessira ikkiro luphi yitino xisso ofollaanchu, dasunna sarawate qooxeessira hattono lekkate hoowi aana macciishshantara dandiitanno. Diske shirri yitinnohu goowu aana ikkiro xisso luphi yino deerrinni macciishshantannohu angatenna qotu aanaati. Xisso buunsanni woyte, hanxishshi’nanninna mitto raga qolle badhete miqqa milli assinanni woyte lexxitara dandiitanno.
- Angatenna lekkate daafura:- Diske shirri yaate korkaatinni gawajjantino nerve heedhuro gawajjantino nerve loossanno gede assitanno mikita daafurtara dandiitanno. Konninni kainohunni qaafate qarrama, mitoricho kayisano ikko amada hoongara dandiitanno.
- Qimaxaxxatenna qaqqasate macciishshamme;
- Biso Giirate macciishshamme;
- Mikitate xisso
- Diske shirri yaate malaatta shiima yanna gedensaanni uminsa yannanni ba’ara dandiitanno.
Kaima
Diske shirri yaate qaru kaimi yannate ledo kalaqantanno badhete millimmo gumaati. Diske diru ledo du’namaanchimmate amadose hoogganno. Tini du’namaanchimmate aja diskete aana foonqe kalaqantanno gede korkaata ikkitanno.
Diske shirri yaate reqecceessitanno coyubba;
- Diro
- Mannimmate qelpheepho:- Mannimmate qelpheepho bikku aleenni lexxitinnoha ikkiro badhete miqichinna diskete aana xiiwo kalaqantanno
- Loosu akati:- Loosinsa akati wolqa xa’mannoha ikkiro wolootunni aleenni konni qarrira reqeccaabbinore ikkitanno.
- Hinge hinge ayirrannore kayinsanniha, goshoonshanniha, xiimbanniha, mitto raga hinge eramanna qiqqishama batinsanniha ikkiro dhibbaho reqeccaambara dandiinanni.
- sirchunni:- Mitu mitu manni togoo qarrira reqeccaawansa lexxitannohu sirchunni ikkara dandaanno.
Diske shirri yaate qarrira xaginaatu
- Badhete xisso anganna lekkanniwa iillitannoha ikkiro xaginaatu ogeeyyera amaa’la hasiissanno.
Heeshshote akata soorriranna mini giddi xaginaate
- Woyyimma uytanno xagga:- Xagisaano hajajjukkinni adhinara dandiinanniri Ayibrofiine labbino kiniinna adha
- Iibbadore woyi qiidadore adha:- Balanxe qiidadore dargaho amaxxa xisso ajishate kaa’litanno. Shiima barrubba gedensaanni iibbadore adha injoonna woyyimma macciishshantanno gede assitannohura xissanno darga amaxxa
- Bikka sa’ino fooliishsho assi’ra agura:- Bikka sa’ino fooliishsho mikitate usuramanna mikita daafurtanno gede assitannohura hurrete yanna mitiinsitanno gede assitanno. Roorenkanni injaanno widoonni 30 xiqqeessa fooliishshi’ranna harancho yannara lekkatenni hara woyi mito looso loosa hasiissanno.
- xissotenni woyyaambanni hee’noonni yannara xisso wirro kayissara dandiitanno coyubba woyi millimmo
Diske shirri yaate qarra hiittoonni gargadha dandiinanni?
- Luphiima mannimmate qelpheepho heedhannokki gede qoropha
- Qelpheepho kayinsanni woyte mannimmate uurrinsha taashshi’ra
- Diske shirri yaate malaatta leelturo ikkado fooliishsho adhanna hasiisanno xaginaate assi’ra hasiissanno.
Bue:- dokter Alle
Sukkaariweelo dancha shae hiittoonni aga dandiinanni?
Sukkaariweelo dancha macciishshamme kalaqa dandiitanno shae aga dandiinannita mitte xiinxallo xawo assitinno. Xiinxallo shaetenni afi’nara dandiinannita dancha macciishshamme sukkaariweelo afi’nara dandiinannita xawissinoha ikkanna seeda yanna amalu soorro abba dandiinannitaati xawo assitinnohu.
Xiinxallaano shaete giddo horonsi’neemmo sukkaare mitte hinge uurrisa woyi harinshotenni ajinshanni hara sukkaarete horonsiraanchimma ajishate gummaame doogo ikkase egensiissino.
Ikkollana xiinxallaano konne luphi yino deerrinni buuxate wole luphi yitino xiinxallo assa hasiissannota coyidhino.
Kunni xiinxallote loosi aana 64 ikkitanno mannooti beeqqitinoha ikkanna mittu agani geeshsha keeshshitino xiinxallo aana lame gaamo beeqqaano ikkitino.
Umi gaamo sukkaare shaete aaninni harinshotenni ajishshanni hadhinoha ikkanna wole gaamo kayinni sukkare shaete ledo horonsiransa suffinoreeti.
Jeefoteno sukkaare horonsidhanno shae aaninni harinshotenni agurtino beeqqaano sukkaariweelo dancha shae agansa suffinore ikkansa kulloonni.
Xiinxallo anganni shae aaninni sukkaarete bikka ajishansa shaete nyammo soorritannokkitanna harinshotenni seeda yanna akatu soorro abba dandiinannita kultino.
Xiinxallote aana beeqqitino xiinxallaano mereerinni sukkaare shaete aaninni 42 anga xibbuunni harinshotenni ajisha dandiitinoha ikkanna 36 anga xibbuunni kayinni mitte higge sukkaare horonsirate rosichonsa gatisa dandiitinoreeti yinoonni.
Lakkuwu Godowi Malaatta
Lakkuwu godowamannohu quuphichu ogoru giddonni fulanno yannara lamu quuphichi mitteenni quuphu korojo giddonni fule lamu labbaahu sirchi ledo xaadanno woyite woyi mittu quuphichi mittu sirchi ledo xaadeenna quuphichu lamewa beehamabbo woyteeti.
Lakkuwu godowamanno woyte hormoonete lexxa heedhanno daafira mittu godowi aana leeltanno malaatta lexxite leeltanno.
Kuri mereerinni:-
Kaajjado daafuru macciishshamme
Woriidi godowu kifile game
Godowu moola
Foo’late qarrama
Ofollaanchu aani qunxudho
Badhete woyi hallu xisso
Albu, lekkatenna angate du’ma
Gogu aana luphi yino bassinna godowu aani hamuruurra
Lakkuwu godowi yannara xaadara dandaanno qarra
Amate aana
mundeete anje
Mundeete xiiwo
Sukkaaret xisso
Ilate gedensaanni luphi yitino mundeete du’nama
Otoottote giddonni mundeete du’nama
Qaaqqu aana
Qaaqqu ofollino gari taala hooga
Game yanniweelo daa
Qaaqqu fugama
Suuwu gurdama woyi sarraaqama
Qaaqqu kalaqamu qarra
Bakkalcho Sadaasa 6/ 2015 M.D Hamuse
