1. Batise ofolla seeda diro hee`neemmokki gede assitanno:-
Awustraaliyu giddo 220,ooo manni aana assinoonni xiinxallo garinni barrunni 8 saate ofoltanno mannooti barrunni 4 saate woro ofoltanno mannooti ledo heewisiisantanno woyte dirinsa xibbuunni 15% ajanno woy hara`manno. Kuni wolootta coyebba aana calla illacha assatenni kalaqamanno qarraati. Diro ledannohuno haransannohuno kaaliqi ikkirono millimillo assatenninna baca ofolla hoogatenni umonke agara ninke loosooti.
2. Batise ofolla kaanserete dhibbira reqeccishannota xiinxallubba leellishshanno:- 2021 Ameeriku kaanserete instituushiinera shiqqino rippoorte garinni batise ofollanna bisu millimillo assa hooga 43,000 mannira jawiidi helleete kaansereranna 49,000 mannira unuunu kaansere dhibbubbara kaimu korkaata ikke shiqino.
3. Seeda yannara ofolle televizhiine la”a wodanu daafurira reqeccishannota 8,800 manni aana assinoonni xiinxallonni buuxate dandiinoonni. Seeda saatera ofoltanno mannooti milli milli yitanno mannooti ledo heewisiinse la`nanni woyte wodanu daafurinni reyate kaayyonsa xibbuunni 18%nni lexxitanno.
Seeda yanna ofolla kageeshshi geeshsha fayyimmate qarra kalaqqannoha ikkiro hiitto assine ajinsho
● Bilbilinke woshshanno woyte uurrine hasaambo
● Liifite horonsirantenni roore dirimunni fula
● Dandaami deerrinni lekkatenni hodhino
● Harammaadda gambooshshuwa uurrine harinso
● Ofolla gadacha ikkitunkero hakkonni bisonke tittiratenni millinso
Aleenni xawinsoonnirenna wolootta millimillubba assatenni ajay ajeenna shoole saate ofollinummohu gedensaanni millinso.
Bue:- Dokiter AalleBakkalcho Bocaasa 29, 2015 M.D
