Illete co’immara luphiima horo uytanno yineenna sagallimmate hossanno sagalla mereerinni Kaaroote balaxote darga amaddannota baalunku anfoommote.
Xoonxallaano tenne lamala giddo fushshitino xiinxallo kayinni Kaarootetenni ledote gati mu’ronna batinye sagalla illenke laooshshi co’imma agarate kaa’litanno yitanno.
Illete fayyimmanna laooshshu co’imma agarate kaa’litanno sagalla
Abukaado Abukaado “Luteninna Zhiyantin” yinannire danotenni gargartanno shiilo giddose amaddinota ikkasenni xawaabbu korkaatinni illenke aana iillitanno gawajjo gargarate dhuki luphi yinoho yinoonni.
Ferensayete assinoonni xiinxallo leellishshanno garinni; Zhiyantin yinanniti gawajjotenni gargartanno shiilo diru korkaatinni kalaqamanno laooshshu qarrinni, mundeete xiiwonni, luphiima ikkino xawaabbira reqeccaawatenna saga’late qarrinni illenke aana kalaqamannoha fayyimmate qarra gargartanno.
Ledoteno Abukaado Vayitamin ‘C’ giddose amaddinota ikkasenni illenke fayyimmasenni keeshshitanno gede kaa’litannotaati xiinxallo leellishshannohu.
Quuphu
Quuphu illenke fayyimma agarate widoonni noosi kaa’lo luphiima ikkase kullanni. Vayitamin ‘A’ bue ikkinohu quuphu illete fayyimmara lowo kaa’lo assannoha ikkanna Abukaadote gede quuphunnihu giddoyidi Askuaali Zghiyantin yinannita gawajjo gargartanno shiilo giddosi amadinohura xawaabbu batinyinni illete aana iillitara dandiitanno gawajjo gargarate kaa’lanno.
Qiddist Gezaheny
Bakkalcho Bocaasa 1, 2015 M.D
