Addis Ababa:- Gobbanke kaajjitinota assate mittimmatenni loosanke sunfeemmo yaanni Xaphoomu Ministirchi Dr Abiy Ahimed xawisi.
Xaphoomu ministirchi Abiy Ahimed bero tuqu xaadooshshi qoolisinni saysino sokkanni; halantino mootimma uurrinshi diilallote gadi soorro songora qoteho roduuwa Afriku gobbuwa massagaano ledo lamooshshunna qarqaru hajubba aana hasaamboommo. Afriku qarrubbara tirate hayyo hasatenna gobbanke kaajjitinota assate mittimmatenni loosanke sunfeemmo yiino.
Xaphoomu ministirchi Dr Abiy Ahimedinna gaamosi Halantino Mootimmuwa Uurrinshi diilallote gadi soorro songo Gibitsete, Sharim Al-Sheyiki beeqqitanni afantanno.
Abbebech Maatewoos
Bocaasa 1, 2015 M.D Hamuse
