Rumuxxitinoti sanote cufama xissamaanchu dancha heeshsho hee’rannokki gede xiiwo kalaqqanno. Kuni qarri xiinxallotenna loosu yannara mannu illacha gufisanno. Rosantinota barru barrunku millimmo gumulate mitiimma kalaqqaranna barra wo’ma daafuru macciishshamme giddoonni sa’nanni gede assanno goxanote hoongi qarri giddora eessitara dandiitanno.
Sanote cufama abbitanno korkaatta mereerinni mittu sanote giddoyidi kifile riffi yiturooti. Kuni qarri noosi xissamaanchira hanxishshi’rate, sanote du’namaanchi bati’ra, umu damuume hattono foo’late qarrinna labbino malaatta heedhannosi.
Rumuxxitino Sanote Cufamara Assinanni Xaginaate
Goowi ali mannimmate kifile ogeessinni umihunni sanote cufamara kaimu maatiro afate buuxo assi’ra; aanteteno dhibbaho kaima ikkinorira aantino hayyo horonsi’ne xissamaanchoho hasiisanno xaginaate assinanni.
- Sanote giddoyidi kifile riffi yitannonsa mannooti noonsata xissote malaatta gargadhate riffeenyu xagga adhitanno.
- Ayirritino sanote giddoyidi kifile suudi soorrama xaaddinonsa xagisiraanora kayinni sanote suude taashshate darre gowate xaginaate amaallanni; woyi sanote giddoyidi kifile riffeenyi xaadinonsa xissamaanora riffeenya gargaranno xagisho hajanjanninsa. Xagisi’raanchu uynoonnisi xaggara dawaro qolannokkiha ikkiro woyi xaano darshe heedhuro xagisaanchu Radiyo- Firikuwensete xaginaate assi’ranno gede hajajanno.
Sanote Darshe Ajishate Assinanniha Radiyo- Firikuwensete Xaginaate
Radiyo-Firikuwensete xaginaati yannara kokketenna maccate ogeessi baxxitino marfe giddora eesse Radiyo Firikuwense iibbado wolqara soorranteenna darshe ajishate kaa’litanno gede hattono sanote giddo woyyaabbinota diilallote doyicho heedhanno gede iibbillu mannimmate giddoonni sa’anno gede assinanni.
Ledoteno radiyo-Firikuwensete xaginaati hangaarsiisate macciishshamme, sanote du’namaanchi bati’ra hattono kokkete aana hee’ranno maangeera ajishara dandaanno.
Bakkalcho Birra 24, 2015 M.D
