Qiddist Gezaheny
Duucha woyte gaangaaninke mundaanno gede assitanno hinkonke co’imma agadha hoongummoro kalaqantanno gaangaanu madi’raati. Ikkeennano gaangaaninke mundaanno gede assitannori wole korkaattano heedhanno.
Konni woroonni mite mite xagisaano ogeeyye kultanno korkaatta tittirotenni worroonni.
• Mannimmanke xaphoomunni rakke madi’rate qarri hee’riro
• Hinko fiqiiqi’neemmokkiha ikkiro
• Godowuyinni/Lekka ayirriniro/ meyaatera / xaaddanno hormoonnate soorrama
• Sukkaarete dhibba
• Dimbissanno agattonni amalaa’ma
• Waajjo mundeete seellanke kaanseretenni amadanturo
• Vayitamin C anje
• Mundeete ge’’a xagisatenna gargadhate uynannita mite mite xagga
Gaangaanu Mundaa Xaadduro Ma Assa Hasiissanno?
• Umihunni kaimu maatiro afa hasiissanno. lawishshaho; hinkonke wolqatenni hayishshi’noommo daafira kalaqantinoha ikkiro hinkonke suutunni qorophotenni hayishshi’ra hasiissanno.
• Togoo qarri xaadinonkehu godowuyi hee’noonni yannara ikkiro umisi yannanni higannota huwante vayitamin C nna K afidhino sagalla saga’lanna hinkote co’imma agadha hasiissanno.
• Duucha woyte hinkonke barru barrunkunni baxxinohunni hashsha goxanote albaanni hayishshi’ranna co’imma agadha hattono sagalete gedensaanni lulluqata lowo geeshsha hasiissanno. B a x x i n o h u n n i Maxine worroonni wayinni lulluqata hasiissannota kulloonni.
• Aleenni xawinsoonni amaale loosu aana hosiinsummorono gaangaaninke mundaasinni sufannoha ikkiro xagisaano amaa’la hasiissanno.
• Gaangaaninkenni ledote woleno mannimmanke bissa aana rahe mundaate akati leelliro fayyimmate uurrinsha marre hasiissanno buuxo assi’ra qarunni hasiissanno.
• Xagisaano hajajjino xagga adhinanni yannara gaangaanu mundaa hanafiro xagicho hajajinonke xagisaanchiwa marre hajo xawisa hasiissannonke.
Gaangaanu Mundaa Gargadhate Ma Assa Hasiissanno?
• Aleenni xawinsi garinni hinkonke co’imma agadha
• Gaangaaninke gawajjamannokki gede shaqqado hinkote burushe horonsi’ra
• Vayitam C batisse amaddanno sagalla Burtukaane, Paappaya, Loome, Injoorri, Shaana, Qosxa, Qunqumado Shaana labbino sagalla adha
• Sigaara wiliishsha hooga
• Coommado sagalla duucha hinge adha
• Dimbissanno sagalla bikkunni adha
• Aspiriine yinanni xagga xagisaanote hahajo nookkiha adha gaangaanu mundaara reqecceessitara hasiissanno.
Bue:- Addi addi xisso malaattanna tironsa
Bakkalcho Birra 24, 2015 M.D
