IFDR Mootimmanna HWHT Wodiidi Afrikira harissanni keeshshitinohu keeru hasaawi bero hashsha gumulamino. Wodiidi Afriki qaru quchumi Piritooriyaho sa’u 10 barrubbara keeru hasaawa harissanni keeshshitinori Federaalete mootimmanna HWHT sufino garinni gaance uurrisate sumiimmera iillitino.
Ola keerunni gumulate assinoonni hasaawa harunse HWHT qodho tirate sumuu yiino.
Hasaawunni HWHT qodho tirate; miillasi haroo’mate kaampe e’anno gede; harinshotennino Federaalete mootimma affino ga’labbote tantano hundaanni karsantanno gede sumuu yiino.
Qoqqowoho yannate geeshshi gashshooti safami gedensaanni mootimma affinohu seerunni worroonni garinni doorsha harinsanni.
HWHT Itophiyunnita gobboomitte horo gawajjitannota hiittenne assootubbarano beeqqaano ikka hoogate sumuu yiinoha ikkanna; kunino Federaalete mootimma biilloonnye ikkinoha gobbaydi xaadooshshe assa hooga ledanno.
Mootimma Tigirayete qoqqowira afantannota Federaalete uurrinshuwa wo’manta horophilu hoowubba lede qorqoratenni gashsha dandiitanno gede sumiimmete iillinoonni.
Sumiimmete kaajjinshoonni garinni “Afriku Qarrira Afriku Mali hasiisanno” yaanni Olisengo Lobaasaanjo qummeessino
Itophiyu bayriidi seeri garinni Itophiyaho mitte olantote wolqa calla heedhannose. Konni daafira sumiimmete garinni HWHT wo’munni wo’ma qodho tirtanno gedeno sumiimmete iillinoonni.
Sumiimme lainohunni Itophiyu mootimma uyitino xawishshi garinni;sumiimme lamu dirira sufe keeshshino ola gatisannonna Itophiyaho hee’ra hasiissanno mitte olantote wolqa calla ikkase kaajjishannoho.
Kurinna wolootta sumiimmete qummeessinoonni wodho loosu aana hosiisateno HWHT Qodho tiraranna qodhaano haaroo’mate basera e’anno gede sumiimmete iillinoonni.
Mootimma kiphotenni gawajjantu kifilla wirro kaajjishatenna tantanate loosu giddora e’annotanna kalqoomu kaa’laanonni ledo halamatenni loossannota xawinsoonni.
Bakkalcho Birra 24, 2015 M.D
