Harunsineemmoti saga`late amanyooti fayyimmankera qara ikkitino horubba noose gede babbaxxitino yannara fultino xiinxallo leellishshanno.
Mitte yannara fultinoti haaro xiinxallo qole saga`late amanyootenke biddi assatenni calla sukkaarete reqecco xibbuunni 23% geeshsha ajisha dandiinannita buuxissino.
Xiinxallo leellishshanno garinni saga`lanke giddo haanja ataakiltubba aye woyte saga`la saga`litannokkiri ledo heewisiinsanni woyte sukkaarete dhibbira reqecci yaate kaayyonke xibbuunni 23% ajishanno.
Ameerikaho Harvaardi dagoomu fayyimmate rosi mine xiinxallaancho ikkinohu Frank Kian egensiisino garinni; muli yanna kawa haammatu manni widoonni atikiltenna laalo aye woyte saga`la rosantanni no; konninni ka“atennino saga`late amanyooti sukkaarete dhibbi ledo hiittoo xaadooshshi hee`rannosi yitannota badate xiinxallo harinsoonnita egensiisino.
Tenne xiinxallo 307 kume ikkitanno sukkaarete xissamaano aana harinsoonniha ikkanna; kuri giddonnino 23 kume 544 beeqqaano layinki dani sukkaarete dhibbinni amadantinoreeti.
Xiinxallaano xiinxallonsa beeqqaanowiinni haanju harumi ledo mageeshshi xaadooshshi noonsa yaano laalo, atikiltenna labbino coyebba aye woyte saga`litannonso disaga`litanno yitannota buuxxino.
Xiinxallo xaphooma haanju harumi ledo xaadooshshu nooseta yaano laalo, atikiltenna labbino coyebba aye woyte saga`litanno mannooti saga`litannokkiri ledo hewisantanno woyte woyyitino fayyaaleeyye ikkite afantino gede baddino.
Baxxinohunnino sukkaarete dhibbira reqecci yaate widoonni la`nanni woyte haanju harumi ledo xaaddanno sagalla batinye yanna saga`litanno mannoota saga`litannokkiri ledo heewinsanni woyte sukkaarete dhibbinni amadamate kaayyonsa xibbuunni 23% aje leellinotaati xiinxallotenni bandoonnihu.
Birra 17, 2015 M.D Hamuse
