Ikkado goxicho afi`ne ka`nanni woyte macciishshamanno keerenna fooliishsho wolurinni riqiwa didandiinanni. Manchi beetti mittu barri giddo 6-8 saate geeshsha ikkitanno yanna goxanotenni saysa noosita kullanni. Goxano keeraa`mitino heeshshote biso ikkitino gede fayyimmate ogeeyye buuxissanno. Ledoteno goxano bisinkenna surrenke fooliishshidhanno gede assatenni kaalitannota fayyimmate ogeeyye buuxisiisatenni ikkado goxicho goxatenni afi`nanni horubba konni woroonni noo garinni xawissanno:-
Qaagate Dandoo Leda:- Gonxe haaqee mayra la`neemmoro ogeeyye xaa geeshsha iillitinokkiha ikkirono; goxanote yannara surrenke giddose amaddino taje gamba assatenna biddi assate looso loossanno. Babbaxxitino faayile darga dargase amadisiisate gedeenti yaate. Tenne yannaraati haaro coyebba qaaganna qaagahooganke gumulannihu.
Seeda Diro Hee`rate:- Wodaninke looso kaajjishatenni, bisu giddo noo kemikaalete batinye taashshatenninna xaphooma heeshshonke danchu garinni ledatenni dironke goxanonke ledo coommishi`no.
Kalaqote Dandoo Woyyeessa:- Borri Qalo borreessate biire`ne kaysa`nera albaanni woy misile misilsate burushe amada`nera albaanni dancha gaxicho afidhineemmero doorranni.
Baqqeenya Leda:- Ikkado goxicho goxa hooga mageeshshi geeshsha jalli assannoro hige affinoonni.
Dancha Bisu Kee`mille:- Kee`mille ajishate sagalete qoropho woy ispoortete millimillo hanafa heddiniro ikkado goxicho afi’ra`neno assinanni coyibba tittirshi giddo eesse.
Yaaddo Ajisha:- Coy baalu raqaxamenna sarraaqame mitiinsanno tenne kalqe giddo goxanotenni afi`nanni ga`labbonni yaaddo`ne ajishshe.
Biso Dhaawa:- Bisinke goxanote yannara baca pirootiine laashshatenni gawajjantino munyuuqqa dhaawanno.
Bue:- sewasew health
Abbebech Maatewoos
