Godowu gamenni xissantanni keeshshitinota mitte wedellicho bagadunni waajjishiishe hursate assinoonni wo`naalshi wedellichote lubbo hunino. Egenno hoogatenninna konne coye shotisatenni gumulloonni wo`naalshinni godowise aana xiyyitunni ganante lubbantinoti beetto Tewaabech Maammo yinanniti 20 diri wedellichootinkanni.
Kuni assooti gumulaminohu Yifaatinna Ximmugga awuraajji gashshootira Kaara Qore quchumira Woxawaajje 5/1962M.D ikkanna wedellitte konni coyinni heeshshose sa`inohu laynki barra ikkinota anfoonni. Tuni dano iillitara dandiitinohu reyitu beetto ama ikkitinoti Emmet Maammite godowu gamenni xissantinota beettose hursate Kalaa Worqu Weldeyyes yaamamannoha olliise mancho woshshitu.
Hakkiinnino Kalaa Worqu gashshaanchiseha umaalloonni sutamino ‘filiber’ yinanni qawwe dirrisiise biddi assatenninna qawwe ganatenni “Qasira ani balaxummohe” yaanni xissantino beetto godowi aana xiyyita gane shiinoseta buunxoonni. Qooxeessu daga konni garinni xisso gargadhate hayyo “Gusmot” yite woshshitannota afa dandiinoonni.
Bue:- Bashsho Addiis Zemeni attamonni
Birra 10, 2015 M.D Hamuse
