Bire waro mittu mootichi ayirranno kincho baasu manni haramannonna mootete minira massitanno doogo aana wore; ay kaysannoro la“ate leellannokki basera ikke harunsa hanafanno.
Mite mite mootichu soqqamaasinenna mootichu mini qooxeessira ba`annokkiti dureeyye daddalaano hiitto doogote mereero kincho worranni? mootichuno mayrati kaysiisinokkihu yitannoti maala`lisseennansa guntuntanni la`anni kaysukkinni sa`u.
Hakkiinnino mittu buxichu baatto loosi`re galinohu ataakilte duqqe sa“anni konne kincho doogote aana la“e duqqinota ataakilte dirrise konne kincho kayisate wo`naala hanafanno. Ikkita ikke konne kincho doogote aaninni gongo`mishanno woyte kinchu woroonni baca culkanna “Kincho konne kaysihu culka adho!” yaanno mootichu malaati fooliishshirino woraqata afi`ranno.
Heeshshonke doogo aanano baca guffa hee`dhanno. Sharramihura gufichu baca kaayyo amadino! Hexxo mudhinokkihura qole gifichu baalu kaajjishatenna dirima ledate furcho ikkannosi. Kaaliiqino tennera hedeeti konne mooticha worinohu. Cee`miha tugganno; jawaatiha sayissanno. Doorshu ninkeho. Halchonkenna sinsinnenke wonshate hasi`neemmoha ikkiro doogganke aana xaaddannonketa danqarantino guffa gongo`minshe qaafa hasiisannonke.
Ga`a faffino heeshsho hee`rate techo baata hasiisannonke waaga baala baatatenni cincine sharrama noonke. Wirro xaandammo geeshsha keerunni!
Bue:- Buukmeenu
Bakkalcho Birra 3, 2015 M.D
