Abbebech Maatewoos
Lame jaalla halallitte gobbara lekkatenni hodhitanni no. Haariimonsa mereero mitte hajo aana illachishshe hasaabbanni sumuu yaa hoogganno woyte mittu ko`onne baqqaalla qawaadanno. Ganamihuno mittore yiikkiinni shaafu aana togo yee borreessanno “Techo baxillaanchi`ya qawaadinoe”.
Doogonsa hadhanni heedhe waa afidhe dodante marte waay giddora e`anno. Hedeweelcho wona baqqaalla ganamihu beettu waay giddora lixa hanafanno; tenne yannara wona ganisihu jaalisi bushsha ite gatisannosi. Baqqaalla ganamihunna waay giddo ba“ate danonni gatihu togo yaatenni kinchu aana borreessanno “Techo baxillaanchi`ya lubbo’ya gatisinoe”.
Tenne wodanchinohu jaalisino wona ganummoheta ganie yite shaafu aana borreessitto, xa qole gatisie yite kinchu aana borreessitto, mayraati lamenkanni shaafu aana woy kinchu aana borreessoottokkihu” yee xa`mannose.
Jaalisino lubbokki jaali gawajjannohe woyte shaafu aana borreessi; gatote bubbe fiite adhitanno; mannu dancha coye assannohe woyte kayinni kinchu gede kaajjino coy aana borreessi; bubbe daggurono fiite diadhitannona yaatenni dawarisi.
Danchumma kinchu aana, bunshe shaafu aana borreessa dandiino wodani hiitto maassaminoho ayidde’ya!
Bakkalcho Woxawaajje 26, 2014 M.D
