Gashshaanninna galte mimmito amadde gangalatate gaxigalu saaga keeshshiinshanni paarke hadhanno. Hedeweelcho mittu galashshi ledosi noo galashsho ledo godo`litanna la`u.
alchu galte “Hiittoo baxileeti! Togoo baxillino nooni?” yitu maala`latenni afoo amaxxite. Hakkiinnino hoowete giddo milli yaa hanaffu. Shiima geeshsha hadhu gedensaanni qote qoteho babbaxxe ga`re nooha mitto labbaahanna meyaa doobbiicho la`u. Galte “Kuri kayinni baxillu noonsakkiireeti” yitu mararretenni. Tenne macciishshino gashshaanni togo yiise “Konne kincho doobiichu widira olte ikkannore la“i.
Iseno kincho haadhe doobbiichu widira oltanno woyte doobbiichu meyaa doobbiicho ganantannokki gede gole wodanna la`u. Galashshu widirano oli yiise; iseno doobbiichu aana assitunte gede kincho galashshu widira qolte oltanno woyte labbaahu galashshu meyaata agure umosi gatisate kubbe haqqicho giddi. Gashshaanniseno togo yiise “La“atta coyenni dogantooti; la“oottari baalu baxille lawoonkehe. Baasa yanna wodanu shonte maaxate yine woy bunshe afantannokki assate lawinsara dandiinanni.
Qoleno wolootu no sammiimootu wodaninsanni kayinni danchuullu busha heddannokkirinna maltannokkiri; galashshu gediire ikkitino mannootino baasu no, angatenni kiirre kullanniri qole doobbiichu gediiri no wolootaho heddannorinna heedhannori.
BakkalchoWoxawaajje 19, 2014 M.D
