Hawaasa:- Sidaamu Qoqqowi Amaale Mini Uurrinshu Songo Balaxote Hasaawa Ha’risanni Afamanno
Amaalete mini harisanni afamanno 6ki doycho doorshi 1ki loosu diro 3ki uurrinshu songo balaxote hasaawira albaanni amaalete mini miilla qoqqowu giddo 2014 baajeettete dirinni loosantino addi addi latishshu loossano millisse towaanyo assitino finqilsha Sidaamu wogate harira ha’risanni leellanno.
Assinanni hee’noonni finqishishira daga la’ino latishshino gobbanni baalanti biirote sooreeyye 2014 baajeettete diri loosu gumulsha shiqishshino.
Tenne yannarano Sidaamu Qoqqowi Pirezidaanchi Kalaa Desti Ledamohu bashsho loosu gumulshi ripoorte amaalete mini miillara borrotenni uyne pizidaantichu haranse shiqisheenna hasaawaho sa’nannita qummeesse; hatti guuta labbinonkekki daafira tenne hayyo soorrate ayiirraddu songafooti ledo hasaambe loosammore loosamino garinni la’ne gantoreno bande anfe egennote aana safamino hasaawa ikkannohura woyye leellino; konnirano biiro baalanti loossinno loossa uminsanni amaalete minira shiqishshanno gede assinoonni yiino.
Sidaamu Qoqqowo safi’ri kawa ha’rino doogo seeda ikkitinota coy’rannohu pirezidaantichu, tenne doogo ha’ni yannara baalu injeenna dikkino. Qoqqowo ikkinoommo ikkinninna bashsho a f i ‘ n e e m m o r i n n i afi’noommori baxxinori dino. Ikkollana kayinni Qoqqowo i k k i n u m m o n k u n n i afi’nannire buxuqqamme dagate hasiisannori aana massine hosiisate ha’noommo doogo la’ini gedee guma abbitinono yiino.
Amaalete mini 6ki doycho doorshi 1ki loosu diro 3ki uurrinshu songo albiidinke Arbenna Qidaame hadhannoha ikkanna; addi addi hajubba aana torbite gumulo saysanno yine agarranni
Addisu Adoola
Woxawaajje 19 , 2014 M.D
