- Gaamo ola uurrisate hedo faajjetenni diiggino
- Diinaho Olu Uduunne Illishate buuwanni noo Horophila ganne tungi
Addis Ababa :- Cancishanchu HWHT gaamo mootimma shiqishshinota keeru doorshubba qaccera qolte aguratenni wirro ola fantinota Mootimmate Komunikeeshine Owaante egensiissu.
Mootimmate Komunikeeshine Owaante bero fushshitino xawishshinni; mootimma gadachante e’inohu Aliyye qooxeessi ola keeru doogonni tirate dansiisissanno yitino qaafubba adhitanni keeshshiturono HWHT gaamo mootimattenni shiqqinota keeru doorshubba qaccera qolte agurte oyimbarri hashsha wirro ola fantino.
Mootimma gadachante e’inoha konne ola keerunni jeefisate dandiissanno yinoonni qaafo adhitanni keeshshitinoti anfoonnite. Cancu gaamo HWHT amaddino Amaarunna Affaarete batinye qooxeessubbanni xiiwante fultanno hede assinihu gedensaanni mootimma;Wo’ma olantotenna loojistiksete dhuki hee’reennase Tigrayete qoqqowo e’’atenni qorowamansa;Lifixxinotanna muraminokkihu mannoomittete kaa’looshshi Tigrayete qoqqowo e’’anno gede addinni ola uurrisate injoo kalaqase;Keereho furcho fantanno yine usuramaano tira;Keeru doorsha mucci assine horonsirate dandiinanni gede keeru doorshi qara komite faajjetenni loosu giddora eessite xawo ikkitino faasho worase;Qara qara ikkino uduunne Tigraye hodhinsanni gede assase;Cancishaano gaamonni gawajjantinore owaante uynanni uurrinshuwa haaroonsatenni Sayikki anni widoonni looso hanafisiisate millimmo assitanni nooti qaangannite
Ikkeennano hunaano gaamo gobbayidi irkisaanonsa ledo ikkatenni ola sufate hasatto leellishshanni keeshshitino.
Amadonsa hiiqqineemmo, irkonke cigilenkeeti, Tigrayete baatto horrantino, agursiinseemmo…w.k.l yitanno qeenfatonni dukkisante sa’u lee aganna giddo addi addi huno loossanni keeshshitino. Galchimi widoonni higge higge wo’naalte qeelante higgino. Wodiidi Tigraye widoonni higge higge wo’naalsha assiturono mootimma wo’naalshansa diigganni qara furcho keeru doogooti yitanni hajo hala’litannokki gede assitinno.
Ikkeennano mootimmate widoonni shiqinoha haammata keeru doorsha baalanka agurte cancu gaamo HWHT gaamo tenne lamala giddo iillishshanni keeshshitino gano techo soodimaroho soojjaati Bisoberr, Zobilinna Tekuleshi ragaanni soodimaro 11:00 nni hanaffe gano iillishshino. Adhitino qaafonnino ola uurrisansa faajjetenni diiggino. Iillishshino ganono ikkito gano harunsite fushshitino xawishshi balaxxe ganote qixxaabbanni keeshshitinota leellishannoho.
Gargarooshshu olantonna wo’manti adawu wolqa hunaano gaamo iillishshino gano qinaawino garinni qeelletenni qoltanni no. Qansootu keerenna hobbaate hunaano gaamonni agarate rosantino qixxaawonni baalanti adawu wolqa qixxaabbe uurritino. Insa bashshonni rossino kaphu duduwi loosinni uminsa kisse uminsa raartanni afantanno.
Keereho anga diriirsitino mootimma kaphunni daneessite ‘’hasaawu balaxe diigamino’’ yitanni addi addi bissara olu gatannokki gede assitanni keeshshitino kakkayishsha kaajjishatenni Tigrayete wedella wirro gudate lallawa fushshite olu giddora e’anni no. tenne lamala giddo kalqoomu halamaanonsa baqqi baqqi yaansano olu qixxaawo piroppogaandu gaadinni dukkisate biso ikkansa xawo ikkitino. Kalqoomu daga Tigrayete wedella gudisiisate HWHT assitanno ola uurrissanno gede kaajjado xiiwo assa noonsa.
gobba giddono ikko gobbaanni heedhinanniri Itophiyu daga tenne hunaano gaamonni iillitanno gano gargadhatenna Itophiya diigate xawo ikkino illacha amaddinota tenne hunaano gaamo hunote wo’naalsha gatisate mitteenni uurrineemmo gede mootimma woshshatto assitanno.
Baalante Itophiyu daga xa’mo tiro afira dandiitannohu keeru doogonni calla ikkinota huwatte techono ga’ano keeru doorshi umi doogo furcho ikkitinota mootimma ammantanno.
Ikkeennano hunaano gaamo hunote assootinsanni suffuha ikkiro mootimma gobba gatisate seeru, dhaggetenna buqqeete gadacho noose daafira hunaano gaamo baxxono gibbon keeru doorshi widira dagganno gede assate hasiissanno qaafo baalanta adhitanno.
Tenne gumulsateno mootimmanna wo’manti adawu bissa wo’ma ikkadimmanni qixxaabbe afantanno.
Wole widoonni;Cancishaanchu HWHT Gaamora Olu Uduunne Hogowe Itophiyunnita Diilallote qoqqowo Tayse Eino Horophila Gante Tugginota Diilallote Wolqa Egensiissu
Itophiya laafisate hasidhannorinna duucha yannara millissanni keeshshitinori HWHT irkissannori dhaggete diinna jajja ikkinota ammannanni Horophili cancishaano gaamora olu uduunne hogowe Sudaanete widoonni IItophiyunnita diilallote qoqqowo tayse eanna bareedda IFDR Diilallote wolqanni ganame uwinota xawinsi.
Gobbate Gargarooshshu wolqa Gargarooshshu Mittimma Gaadi qara biddishshi Gargarooshshu wolqa hajajo sooreessi Meejer Jeneraal Tesfaye Ayyalew xawisino garinni; sa’u agannara olaho qixxaawanni keeshshinohu cancishaanchu HWHT lame lamala kawa qodhaanosi olaho shiqqi assanni keeshshino.
Tini hunote gaamo mootimma qarrubba keeraatunni tirate shiqishshino hedo qacce qolte aguratenni hasaawu hedo diigantino yaatenni xawishsha fushshituhunnilaynki barra Woxawaajje 17/2014M.D soodomaroho 11:00 saatenni Qoobbo guranna qiniite noo qooxeessuwara, Zoobil ilaalira, Bisoberrinna Wotwot yaamantanno qooxeessuwara ola faninota xawisino.
Meejer Jeneraalichu lede xawisino garinni; Sudaanete widoonni hige diilallote qoqqowonke tayse Humeru Aliyye qooxeessi widoonni Tigiraye eara wo’naalinonna cancishaanchi HWHT gaamora olu uduunne hogowe saysara buuwanna iillinoonni Horophila bareedda Diilallote wolqanni hankarro hashshihunni 4:00 saatera ganne tungoonnitano xawisino.
Gargarooshshu olanto hiittenne wolquwannino gobbate aana fannanni olira dawaro qolatenni diina barbadeessate qixxaabbe nootano lede qummeessino.
Woxawaajje 19 , 2014 M.D
