► Mitte yannanni babbaxxitino loossa gumulate dandoo lainohunni; seennu surre mitte yanna giddo babbaxxitino loossa gumula dandiisiisanno ikkadimma baraadhino. Labballu surre kayinni mitte hajo aana illachishshe hakkuy aana calla xiinxallatenni baraadhinote. Lawishshaho, seennu televizhiine la’’anni, bilbilunni hasaawanni sagaleno raisa dandaanno. Labballu kayinni mitte yanna giddo mittu coy aleenni gumulate qarrantanno. Lawishshaho, televizhiine la`anni bilbilunni hasaawa didandiitanno. Bilbilunni hasaawa hasidhuro teleavizhiine dila`anno.
► Coyi`nanni afoo lainohunni; seennu shotu garinni haammata coyi`nanni afoo rosanna amada dandaanno. Labballu surre qarrubba tirranni doogo aana illachishshanno.
► Coyibba tittirshunni shiqishate dandoo lainohunni; labballu surre seennunni roore qarrubbanna ikkitubba tittirate kaa`litanno ikkadimma noose. Labballu surre huwatatte qarrissanno ijaarshu diizaayine fushshatenna labbino loossa gumula dandiitanno.
► Doga lainohunni; labballu seenne albaanni dogganno yannara shotu garinni amadantanno. Seennu surre 70% albunniha, 20% bisu millimillonna hasaawa qole 10%niiti wodanchitannohu. Labballu surre tini ikkadimma dinose.
Ikkinohurano seennu labballu doganno yannara bisunna albu aana wodanchinanni soorrubba huwatatenni kaphonsa afate ikkadimma noonsa.
► Seennu baxillunnino ikko wolu xaadooshshinni hagiirraamma ikka hoogurro loosinsa aana illachishate qarrantanno. Labballu qole konninni baxxino garinni loosinsa aana gumaamma ikka hoogguro baxillunnino ikko wolu xaadooshshubbansa aana qarru kalaqamanno.
► Labballu coyi`ra hasidhannore baala albaanni xawoho coyidhannoha ikkanna seennu kayinni batinyunni badheenni coyi`rate injaannonsa. Konni aleenni la`nummo bixxillubba buuxotenninna xiinxallotenni irkisamino halaale ikkiturono mitu mitu hajote buuxaano woy xiinxallaasine soojjaatu daga budi giddo nooha mittu mittunku labballi giddo seennunniti, mitte mittente meyaa giddono labbaahu akatoomu no yitannota hedo kaysatenni tini hedo la`annonsakkiri noota kayissanno.
Bakkalcho Woxawaajje 12, 2014 M.D
