Abbebech Maatewoos
Paarooti yinanni ceicho ikkitooti; tini ceicho heeshshosenni baasa coyidhanno kayinni boodella buubbanno. Roorenkanni allamurcho ikki! Allammurchu sammiimaho; kayinni gordo kisatenna gomichu aleenni buuwate wolqa noosi.
Ninke allammurchuwiinni rosa noonketi baasa maala`lissanno kaajjillubba no. Kuri giddonnino… Allamurchu gottimmate aana callichisi buuwate rosichi noosi. Horontanni woloota suutunni buubbanno cea ledo buuwate hasatto dinosi. Atino hoshshakki ajuujakkinni gufissannorinna Worora goshshooshshahera dandiitanno mannooti ledo ikkoonke.
Allammurchu dancha hende noosi. 5 kiilo meetire xeertinyira noorichi aana illachishate ikkadimma noosi. Allammurchu mitte hige illesi giddora einore amada geeshsha hiitti guffano xaaddusiro horontanni illachasi lainori aaninni dikaysanno. Hiikku qarrino xaadihero illachakki ajuujakki aaninni horontanni kayissooti. Hexxono mudhitooti. Heeshsho hedootto gede ikka hooggurono, saittota laittoro lopho noolla. Kai sheshifatte jawaati.
Allammurchu waajjille egenninokki bareedaati. Jawimmatenni erotenni roorannosiha Bullicha sharrame ilaalu aaninni tuge saga`lanno. Gumaamma mannooti waajjillensa qeeltino bareeddaati. Hiikku qarrino xaadiheha ikkiro waajjite badhera higgooti allammurchu gede sharrami, qeelte sai, anga uytooti.
Qarrisinohe coye adhi, sharrami, horonsi`ri. Allammurchoho jawiidi mitiimma diilallote xiiwooti. Ikkollana, diilallote xiiwo kaajjitanno woyte Allammurchu woloota cea gede minisira
didodanno diinoxooqanno; roorenkanni xeenano dandee buuwanno, sharramanno, diilallonnita xiiwo noo gottimmanni luphi yee buuwate horonsi`ranno, qoollasi ga`natenni fooliishshiishanno. Qarrisinohe coye kaayyote widira soorri, qarrisinohe coy xiiwe buuwisahera ikkinnina xiiwe tugahera fajjitootisi.
Allammurchu isi umisi woshshaadinnokkirenna wolu shiinoha ditanno. Wolootu loossinoha beeqqate yortooti. Kai, buuwi, woshshaadi, sharrami, loosse daafurikki guma iti.
Bue:- (/The eagle mentality) yitanno viidiyo aaninni adhinoonnite.
Bakkalcho Maaja 21/ 2014
