Tuma sholoollanninna murranni yannara wi`lishiishanno, ille caarsanno; bura saga`linanni woyte kayinni dancha ikkinokki afuu fooli hee`ranno gede assanno. Tenne lame qarrubba gobbaanni duumu tumi maala`lisanno fayyimmatenna seesu horubba baraarsannonke.
Duumu tumi infileeshiine, alarjiike, oksidaantenna kaansere hunate akatoomi noosi. Ledoteno vaytaamiin A, B6, B kompileekisenna C, siwiilunni woy ayrenete, fooleetetenninna potaasiyeemetenni jiroo`minoho. Selfere, gilaavonoyidinna fayto kemikaaleno afantannoho.
1. Umu danancho lossanno!
Duumu tumi umu dananchi shaala luphiima garinni gargaratennino aleenni umu dananchi lopho ledanno. Tumu giddo afantanno selfere /Sulfur/ umu qoonchi giddo mundeete doycho lexxitanno gede assanno. Umu dananchi lophora hasiissannota kolaajiin /Collagen/ yinanni laalcho lexxanno gede assanno.
2. Mundeete sukkaare taashshanno!
Duumu tumi sukkaarete dhibbi noonsa mannootira lowo geeshsha horo noosi. Tumu giddo afantannoti selferete karsi alaayn piropayil dayselfayid insuliinete laashshama ledatenni mundeete sukkaare bikka sukkaarete daninni 1 nna 2nni ajishanno.
Ledoteno duumu tumi huuncamme kiroomiyeeme shiimunni amadinoha ikkanna bisinke gulukkoose taaltanno gede kaa`lanno.
3. Kaansere gargaranno!
Duumu tumi babbaxxino dani kaansere gargarannota buunxoonni; kuri giddonnino
afalennita, godowunnita, unuununnitanna surrete kaansere kullanni.
Duumu tumiti fiinoliikenna filavoyidete amadubba tsere oksiidaantete akatisi ledo halamatenni kaanserete munyuuqo gargadhitanno.
4. Wodanu dhibbinni amadamate kaayyo ajishanno!
Duumo tuma aye woyteno saga`la mundeete xiiwonni, wodanu qarrinninna istirooketenni amadamate kaayyonke ajishshanno. Duumu tumi giddo afantannoti tsere oksidaantenna tsere infilaamaatoorete akati noosehura wodanu keeraanchimmara lowo geeshsha hasiisanno.
5. Kaajjado dhibba gargadhate dhuka dhaawanno!
Tumu poolifeenoolete amadosi korkaatinni biso`ne friraadikaalootunni gargaratenni dhibba gargadhate dhika`ne ledanno.
Ledoteno tumu boode seliniyemete mineraale amadino kunino dhibba gargadhate dawaro kakkayisatenni dhibba gargadhate dhuka kaajjishanno.
Bue:-Ethiotena
Bakkalcho Maaja 14, 2014
