Abbebech Maatewoos
Addis Ababa:- Suudaane hiittino qodhitino wolquwa lamente gobbuwa mereero millissannokki gede muro sayissinota gobbate Gargarooshshi Ministere egensiissi.
Suudaanete Gargarooshshu ministere qaalu saysaanchi Birgaadeel Jeneraal Nebiil Abdella uyno xawishshinni; Itophiyunna Sudaanete mereero kaajjado qinaambe assatenni kalqoomu dannu qorqorshi kaajjanno gedenna hiittino qodhitino wolquwa lamente gobbuwa mereero millissannokki gede muro sayissinota egensiisino.
Itophiyunna Sudaanete massagaano dannu qooxeessira kalaqantino mitiimmara “Rakkinonna suffanno” furcho qixxeessate hanaffino hasaawi kaima ikkinota xawinsoonni. Suudaanete muro garinni cufamino dannino fanamanno gede muro saynsoonnita xawinsoonni.
Lamenta gobbuwa xaadissannotinna Gelaabaatinna Metemmu mereero afantannota Itophiyunna Suudaanete dannu keella Jeneraal Abdul Fatah Al-Burhaaninni massagantannoti Sudaanete ga`labbotenna gargarooshshu amaale mini fano assinanni gede muro saysinotano Sudaane xawissino.
Sudaanete mootimmate xawishshi amadisiiseno; “Afamishshu noose seeru loosi garinni Gelaabaati danna taynsanniwa lamente gobbuwa mereero millimillo heedhanno gede yitannotenni fanantanno gede muro saynsoonni” yiino.
Bakkalcho Maaja 14, 2014
