-Bejetetenni Xibbuunni 59% Buxima Ajishate Aana Hossanno
Addis Ababa:- Dagate riqiwamaano amaale mini 2015M.D federaalete mootimma bejete 786.61 Biliyoone birra asse Shoole huuriweelonna roortino huuronni kaajjishino.
6ki IFDR dagate riqiwamaano amaale mini umikki loosu diri 16ki uurrinshu songo beroo barra 2015M.D federaalete bejete buuxe kaajjishatenna yannate hajubba aana ka’anno xa’mo aana assinanni hasaawi aana illachishino hasaawa harisino. Bejetete mixo hedo lainohunni Pilaanete, bejetetenna womaashshu hajubba uurrinshu komite xawishsha uyhu gedensaanni 2015ni federaalete mootimma bejete 786.61 biliyoone birra asse Shoole huuro nookkihanna roortino huuronni kaajjinshanni gede murino.
Barraho afame 2015M.D illachu furcho xawishsha uynohu Xaphoomu ministirchi Dr Abiy Ahimedi; 2015M.D federaalete mootimma bejete asalu baatooshshi aana, heeshshote muxximma ga’labbisate, pirojektuwa jeefisatenna mannoomittete kaa’looshshi aana illachishshanno yino.
Hedote aana tittirote xawishsha uynohu xaphoomu ministirchi; asale ajisha lainohunni liqoo ajisha latishshu gede kiira noonke yinoha ikkanna, sa’u dirrara nooha duunamino asale baata hoongiro lowo qarri hee’ranno. Jajjabba pirojektuwa liqoote baatooshshira adhate geeshsha iillishannoha ikkinohuranna gobbano yaaddotenni gatisa hasiissannohura kunni bejetete dirihu mittu illachi liqoote bikka ajishate yino. Tayxe dirinni 1.7 Biliyoone Doolaare woyi 100 Biliyoone asale baantoonnita xawisino.
Wole widoonni waagu lexxo ajisha wole bejetete diri illacha ikkitinota xawisinohu Xaphoomu ministirchi; sa’u lamenna sase dirra giddo uurrikkinni Itophiyu miinji lophanni harasinni waagu lexxo kalaqantara dandiitannota qummi assatenni kalaqantinota waagu lexxo gargarate luphiima looso loosa hoongoommero kalaqamino olinni, koroonu fayyanninna Yukreenetenna Ruusiyu olinni waagu lexxo konni aleenni ikkitara dandiitannonkanni. Ikkeennano wo’munni wo’ma qarra gatisate dandaa hoongirono loonsoonni loossa heeshshote muxximma koni aleenni ikkitannokki gede assa dandiinoonnita lede qummi assino.
Xaano ikkiro waagu lexxo ga’labbisatenna shiima e’’onni heedhanno daga aana iillishshanni noo xiiwo gamunnino ikkiro shotisate mootimma illacha tugge loosa hasiissannose yinohu Xaphoomu ministirchi; konni giddonni umihu woxu gashshoote kaajjinshe harunsate yino. Ledoteno heeshshote muxximma shotisate aana illacha tunge loonsannita huwachishinno. Gibirinna yannaasincho assatenni dikko ga’labbisanna hirre horonsirate akata bejetetenni mitte hajo assine adhinanni yaanni coyi’rino. 2015M.D bejetete dirinni xibbuunni 59% ikkitanno bejete buxima ajishate aana hossannota xawisino.
2015M.D federaalete bejetenni illacha tunganni yee Xaphoomu ministirchi kayisino hajubbanni wole pirojektuwa jeefisate. Pirojekituwa hasiisannohu aleenni seeda yanna adhitanno woyte
Qiddist Gezaheny
Bakkalcho Maaja 7, 2014 M.D
