Addis Ababa:- Itophiyu pireesete uurrinsha 6ki yannara qixxeessitinohu ‘’Itophiyu Daafira’’ yaamamannohu fotote reqecconna paanaalete hasaawa techo Jimmu quchumira hananfoonni.
Labbannota bare sa’u muli yannara Jigjigaho, Dirre Dawaho, Hararete, Hawaasa hattono Arba Mincete harinsoonniha ikkanna Itophiyu pireesete uurrinsha 6ki yannara Jimmu quchumira qixxeessitinoti ‘’Itophiyu Daafira’’ yaamantannoti fotote reqecconna paanaalete hasaawinni loosu kaayyo kalaqo lainohunni harinsoonni.
Techo hanafantino bare aantanno sase barruwara harinsanniha ikkanna Federaaletenna Oromiyu qoqqowi loosu massagaano, loosu kalaqonni luphiima qeecha afidhino mannootinna uurrinshuwate massagaano hattono ayirrado koyishsha assinoonnisa wosinna beeqqitanni afantanno.
Fannoonni fotote reqeccora gobbankera 1950M.Dna 1960M.D yannanni kayse yanna yannatenni noota Itophiyu poletiki ikitubba; dhaggete gafinni kalaqantinota dagate xa’muwa hattono gobbate ayirrinyira bantoonni kakkalonna Itophiyu federaalizime ledo xaaddannota qara qara ikkitubba leellishshannota fotote reqecco shiqqanno.
Gobbankera 12 qara qara quchummara harinsanniti fotote reqecconna paanaalete hasaawi bare aantanno yannarano babbaxxitino quchummara harinsanni.
Bakkalcho Maaja 7, , 2014 M.D
