Hawaasi quchumi kantiibi kaa’laanchu pirofeesere Tsegaye Tukehu quchuma e’nanni waalcho loonsanni pirojekte faajjetenni hanafisiisino.
Pirojekte quchumu biinfilliranna investimentera jawa horo uytannota coyi’rinohu quchumu kantiibi; wolootuno jajjabba pirojektuwa quchumaho hanafantanni noota egensiisino.
Quchumu pilaanetenni massagamanni woyyaawinoha safote latishsha gumulanni noota xawisinnohu Kantiibu.
Loosantanni nooti jajjabba pirojektuwa quchuma roorenkanni hee’rate injiinohanna dooramaancho assitannota xawisino.
Tini hawaasi quchuma e’nanni waalchi pirojekte sidaamu budenna dhagge egensiissannota ikkitannota xawisino. Itophiyu ijaarrate suudi kalaqo amande loonsanniti tini pirojekte wolootu quchummarano balaxaancho ikkitinota kulloonni.
Pirojektete looso hananfanni woyteno 1500 ali wedellira loosu kaayyo kalaqqannota, hattono pirojekte mittu diri giddo jeefinsannitanna 100 Miliyoone birra fulo xa’mitannota ikkase kulloonni.
Bakkalcho Ella 23, 2014 M.D
