Addis Ababa:- Shiilo gobbaydi gobbuwara soyate ikkadimmate buuxo tajenna fajjo adhite doogimale horoonsidhanni keeshshitinore 850 shiilotete laalcho goobbara sokkannori fajjo hunnoonnita Shiilote Ministere egensiissu.
IFDR Shiilote ministirchi Injiner Taakkele Uma bero uyno xawishshinni; fajjonsa hunnoonniri culku shiilo gobbaanni wolootta shiilo gobbaydi gobbuwara soyate fajjo uynoonninsaha ikkirono; fajjo adhitinore loosu base geeshsha marre assinoonni harunsonna qorqorshinni seerimale shiilote daddalira bobbakke beeqqaano ikkansa buunxoonnita xawisino.
Fajjo adhitinori amaddinohu shiilo gobbaydi gobbuwara soyate fajjo sheemaati garinni seerunna wodhotenni loossinokkiri; mootimmannita loosu fajjo uminsara horonna jiro kuusi’rate horoonsidhinori; shiilotenni gobba afi’ra hasiissannoseha gobbaydi woxu soorro afi’nannikki gede assitinore ikkansa Ministirchu egensiisino.
Adhinoonni qaafo handaarunni e’ino sheemaati garinni loossanni noore jawaachishannotanna seerimale doogonni bobbakkannore seeru garinni loossanno gede assate qeecha afi’rinotano Ministirchu lede huwachishino.
Amsaalu Felleqe
Bakkalcho Ella 16 , 2014 M.D
