Addis Ababa:- Sidaamu dagoomu qoqqowira babbaxxitino woraddara loonsoonnita dagoomaho owaante uytanno uurrinshuwa maassiinseenna owaantete fano assinoonniha ikkanna haaruudde uurrinshuwa ijaarasate loossano hanafisiinsoonni.
Qoqqowoho Hookkote woradi Oddi- Bokkote Olliira seeda yannara dagate xa’mo ikke keeshshinoha Fayyimmate agarooshshi mereersha ijaarsate saynsummo lamalara safote kincho tungoonni.
Woradaho Oddi-Bokkote ollira seeda yannara latishshu xa’mo ikke keeshshinori giddo Doogo, 2ki dirimi Rosi mini, Fayyimmate uurrinshuwa ikkitanna doogote xa’mo sai mittu diri albaanni loosate e’noonni qaali garinni Girji quchuminni kayse Oddi- Bokkote geeshsha doogo loosante gooffeenna dagoomaho owaante aa hanaffino.
Ledoteno balaxaancho mootitte Zinnaash Taayyaacho borro mini irkonni 11 miliyoone birri fulonni loosaminoha 2ki dirimi rosi mine maassiinsoonni.
Qoqqowoho loosantinota safote latishshuwanna owaantete uurrinshuwa sa’u muli barruwa giddo IFDR Xaphoomu ministirchi, Balaxaancho mootitte Zinnaash Taayyaacho, qoqqowu pirezidaantichi kalaa Desta Ledamonna woloottuno federaaletenna qoqqowu mootimmate luphiima loosu massagaano towaanyo assitino.
Balaxaancho mootitte Zinnaash Taayyaacho borro mini pirojekite irkonni Hawaasi quchumira Daabbote faafrika ijaarshi iillino deerrano tawaanyo assinoonni.
Bakkalcho Ella 16 , 2014 M.D
